السبت

| Maple cookies |

 
  
 
 
 
 
 
سهل جداً ولذيذ , تغيير عن الطعم المعتاد ..
أهم شي أعجب أمي :p


| المقادير | :


- أصبع زبدة - 100 جم - بدرجة حرارة الغرفة

- نص كأس سكر بني فاتح

- نص كأس سكر

- ربع كأس شراب القيقب ( maple syrup )

- بيضة , بدرجة حرارة الغرفة

- ملعقة صغيرة فانيلا

- ربع ملعقة صغيرة قرفة مطحونة

- شوي ملح

- كاسين طحين منخول مع 2/1 ملعقة صغيرة بيكينج صودا




| الطريقة | :
 

نخفق الزبدة مع السكر حتى يصير عندنا قوام لين وطري ,
نضيف عليها البيض والفانيلا ..

نخفق حتى يصير القوام كريمي تقريباً , نضيف عليها شراب القيقب والقرفة والملح .

ونخفق دقايق بس
 
 
 
 
بعدين نضيف عليها الطحين مع البيكينج صودا شوي شوي مع استمرار التقليب والخفق .


لما تتجانس مع بعض مثل كذا
 
 




 
 
نغلفها وندخلها الثلاجة مدة ساعتين أو نخليها لليوم الثاني مثل ما أنا سويت .
 

بعدين نكورها لكور متساوية ونحطها في صينية عليها ورق زبدة
 
 
 
 
وندخلها الفرن مشغل مسبقاً على درجة حرارة 350 .
مدة 10 دقايق .

ونطلعها ونخليها تبرد شوي ونقدمها مع حليب أو أي شي تبونه
 
 
 
 
.
.

 

الجمعة

| كيكة البرتقال |

.
.
 
 
 
 
 
 
 
 
سهله وخفيفة ,


| الطريقة والمقادير مع بعض | :


نخفق 4 بيضات - نكون مطلعينا من قبل ومخلينا برى الثلاجة عشان تصير بدرجة حرارة الغرفة -
مع ملعقة صغيرة فانيلا لمدة دقائق ,

بعدين نضيف عليها 4/3 كاس سكر ونخفق لما نحس أن السكر بدا يذوب , نضيف كاس زيت .

ونخفقها لما نحس أنها بدت تصير كريمية نوعاً ما ..

الحين نضيف عليها :

كاسين طحين منخولين مع ملعقة كببرة بيكينج باودر ,

ونحركها شوي وبعدين نضيف ربع كاس عصير برتقال طازج مع بشر برتقالة - نبشر الجزء البرتقالي من غير الجزء الأبيض -

ونخفقهم مع بعض لما يتجانسون .


الحين نجيب صينية للفرن وندهنها بزيت وبعدين ننخل فوقها طحين شوي وبعدين نحرك الصينية عشان يتحرك الزايد من الطحين ويروح للأطراف .

نصب خليط الكيك وندخله فرن مشغل مسبقاً على درجة حرارة 360

ونخليها تقريباً من 35 - 45 دقيقة .

ونتأكد أنها استوت لما ندخل فيها عود ويطلع جاف .

على ماتستوي ناخذ ربع كاس عصير برتقال طازج مع ربع كاس سكر ونخلطهم مع بعض ,

لما تستوي الكيكة نطلعها من الفرن ونقلبها ونجيب فرشه وندهن الكيكة بعصير البرتقال مع السكر ,

عشان تتشربه وهي حاره ونخليها تبرد وقبل التقديم نرش عليها سكر بودره ونقدمها .
 
 
 
 
.
.
 
 
 

الأربعاء

| Butter cookies |

 
 
 
 
 
 
 
 
 
 
خفيف وسهل جداً والأهم لذيذ .. ومقاديره متوفرة بكل بيت .
 
 
| الطريقة والمقادير مع بعض | :
 
 
نخفق 226 جم زبدة غير مملحة - بدرجة حرارة الغرفة - لمدة دقايق حتى تلين .
226 جم تعادل أصبعين وربع تقريباً .
 
* طبعاً هالكوكيز غني بالزبدة , عشان كذا الأفضل طبعاً اختيار نوعية ممتازة من الزبدة .

بعدها نضيف 3/2 كاس سكر ونخفق بسرعة متوسطة لما نحصل على قوام كريمي .

وبعدها نضيف بيضه مع ملعقة صغيرة فانيلا ونخفقها ,
 
 
 
 
بعدين نضيف كاسين وربع طحين وذرة ملح .

ونقلبهم على بعض لما نحصل على قوم متماسك تقريباً .
 
بعدين نشكلها على شكل مستطيل كبير ,
 
 
 
 
 
العجينة طرية جداً عشان كذا نقصها بالنص ونحطها على قطعة بلاستك للتغليف , ونشكلها على شكل مستطيل 
 
 
 
 
ونغلفها ونحطها بالثلاجة مدة 3 ساعات على الأقل , وممكن تخلينها طول الليل بالثلاجة لليوم الثاني .
 
 
 
 
* وبعد ممكن تخلينها بالفريز مدة أسبوع تقريباً ماراح تتغير , وخلال هالأسبوع متى ماودك طلعيها وقطعي الكمية اللي تبين وأخبزيها .


لما نطلعها من الثلاجه نقطعها لشرايح متوسطة العرض ونحطها في صينية عليها ورق زبدة وندخلها فرن مشغل مسبقاً على درجة حرارة 360  لمدة 10 دقايق تقريباً .

أنا عن نفسي أحبها تتحمر شوي من فوق , أحب طعمها كذا .. عشان كذا أخليها 8 دقايق ودقيقتين أشغل عليهم الفرن من فوق .

ونطلعهم يبردون وممكن نزينهم بشوكولاته ونحط فوقه جوز هند أو لوز مجروش ومحمص ,
وهو لذيذ كذا من غير شي بعد .
 
 
 
.
.
 
 
ونقدمه مع شاي ممكن 
 
 
 
 
 
 
 
 
 
 
 
.
.