| حشوة البطاطس |

.

.

.

.

حشوة البطاطس رهييييبة للسمبوسة ..

| الطريقة والمقادير | :

- نسلق البطاطس بعدين نقشره وبعدها نقطعه لمكعبات كبيرة ..

- نحمس البصل بالزيت لما يذبل ثم نضيف البطاطس عليه ونقلبه 

- نضيف بهارات مشكلة وكركم ومكعبين ماجي ( نفرمه قبل مانضيف ) وفلفل أسود وملح وفلفل أحمر مجروش 

ونقلب ونحاول نهرس البطاطس واحنا نقلب .

- نضيف شبت طازج مفروم وشرايح فلفل حار ونقلبهم دقايق 

- نضيف كزبرة طازجة مفرومة ونقلبهم شوي ونرفعها من علی النار ونخليها تبرد بعدين نحشي السمبوسة فيها .

.

.

| بصل محشي |

.

.

هالشي اللذيذ اللي وعدت ناس كثير أحط طريقته وتأخرت جداً وأعتذر عن هالشي :$

طبعاً تتوقعون أن طعم البصل لاذع .. لا أبداً .

| الطريقة والمقادير مع بعض | :

- للحشوة :

- كاس ونص رز مصري منقوع في ماء لمدة ساعه

- بيالة زيت زيتون

- شوية نعناع مفروم

- حزمة بقدونس مفروم

- 4 حبات طماط مقطعه لقطع صغيره جداً .

- بصله مقطعه قطع صغيره جداً

- فلفل اسود

- مكعبين ماجي ( نحاول نفرمها عشان تذوب بسرعه مع المقادير )

- عصير ليمونتين

- ملعقتين كبيرة دبس رمان" اختياري "

- ملعقة صغيرة كركم

نقلبهم مع بعض ونخليهم على جنب .

نجيب الحين بصل أبيض كبير (العدد براحتكم بس الحشوة بتكون كثيرة على فكرة ممكن تسوون أنواع محاشي مختلفة معاه أو تفرزنون الحشوة لمدة أسبوع وتسوونه مره ثانية ) .

أول شي نقطع البصل من فوق ومن تحت بهالشكل ..

بعدها نحاول نقطعه بشكل خفيف من على جنب للمنتصف مثل كذا ..

يعدين نحطهم في قدر فيه ماي مغلي ونخليه يطبخ مدة نص ساعة تقريباً .. لما نحس انه تفكك شوي وصار لين نوعاً ما ..

بعدها نصفيه ونخليه يبرد شوي ونبدأ ناخذ ورقة - ماعرفت وش أسميها ههه - ونحشيها

هي بالطرف ما تكون مفرودة بشكل كامل .. بالصورة واضح انها مفرودة مره بس هي لا :/

 ونلفها ..

ونصفه في صينية للفرن ونصب عليه صوص التمر الهندي.

عبارة عن : 

[  تمر هندي مذوبينه في كاسين ماي مغلي ونضيف عليه ملعقتين كبيرة سكر ومكعب ماجي و4 ملاعق كبيرة معجون طماط وفلفل أسود ]

التمر الهندي أخذت نص الكمية اللي في الكيس الصغير .. 

.
.

بعدها نغطية بقصدير وندخله الفرن لمدة ساعة إلى ساعة وربع تقريباً .

ونقدمه .

.
.

| Crispy Chicken Strips |

.
.

الوصفة أخذتها من عبير السعيد - بالانستغرام - ,

وحبيت أشارككم إياها .

| المقادير و الطريقة مع بعض | :

صدور دجاج مقطعه لشرايح طويلة متبلة بـ :

- بتر ميلك ( كوب حليب + ملعقة خل ) استبدلته بكاس لبن .

- فلفل أسود

- ملح

- بابريكا

- ثوم بودرة

- بهارات دجاج

- أعشاب مجففة , أنا حطيت نعناع وبقدونس مجففين .

نتركها بالثلاجة أقل شي 4 ساعات , عن نفسي خليتها ليلة كاملة

قبل القلي نجهز خلطة الطحين اللي بنغمس الدجاج فيها  وهي عبارة عن :

طحين نخلطة مع ملح وفلفل أسود وشوي بهار و3 إلى 4 ملاعق حليب سائل عشان يكون الخليط على هيئة فتات .

نغمس قطع الدجاج فيه

ونقليها بالزيت على طول ونصفيها بعدين ونقدمها .

* بعض القطع غمستها بطحين عادي قبل بعدين غمستها بالخليط ..

* الوصفة لذيذة والمرة الجاية إذا بسويها بزيد البهارات وبحط شوي ليمون مع التتبيلة طبعاً في ناس ماتحبها كذا بس الناس أذواق

 

| سلطة المكسرات |

.
.

 

 

| الطريقة والمقادير مع بعض | :

 

نحط [ خس - نوعين - | توت | جبن - نوعين : هنغاري و فيتا - | لوز مبشور ومحمّص | فستق مبشور | عين الجمل ]

ونقلبهم في صحن التقديم ,

 

 

ونضيف عليهم الدريسنغ :

عباره عن :

 

[ ملعقة صغيره دبس رمان | ملعقة كبيره خل | ملعقه كبييرة زيت زيتون | نص ملعقه صغيره سكر بني | ملح حسب الرغبه ] مخلوطين مع بعض .

 

ونقدمها

 

 

 

 

 

.

.

 

 

| سلطة المكرونه بالجبن والأناناس |

.
.

 

 

 

 

 

 

 

 

 

| الطريقة والمقادير مع بعض | :

 

 

نسلق مكرونه وبعدين نخليها تبرد ( المقدار اللي سلقته قليل تقريباُ ثلث كيس ) .

 

ونجيب أناناس مقطع مكعبات صغيره ونكون حاطين عليه ملعقة ماي دافي من اليوم السابق - عشان ياخذ نكهة الأناناس - .

نضيف على الأناناس والماي اللي معاه ذرة .

 

ونضيف عليهم ملح ونعناع مجفف و3 ملاعق كبيرة مايونيز ونقلبهم ونضيفهم على المكرونه .

 

ونقلب ونضيف عليها جبن شدر مقطع مكعبات صغيرة  ونقلبها ونحطها بالثلاجة لين يجي وقت التقديم .

 

عند التقديم نحط خس ونحط سلطة المكرونة عليه ونقدمها .

 

 

 

 

 

 

 

 

 

.
.

 

 

 

| سلطة التوت |

 

.
.

 

 

 

 

 

 

 

 

 

- قبل لا نحط الدريسنغ :

 

 

 

 

سهله , ونكهه جديدة .

 

 

 

| الطريقة والمقادير مع بعض | :

 

 

 

نقلب الخس مع التوت وجبن فيتا مقطع مكعبات .

ولو كان عندكم لوز مقشر ومحمّر بيطلع معاها رهيب , بس للأسف كنت ناويه أحط ومالقيته عندي :( .

 

ونضيف الصوص عليها , عباره عن :

 

[ ملعقة صغيرة مربى توت | عصير نص ليمونة | ملعقتين زيت زيتون | ملعقتين خل | ملح ] مخلوطين مع بعض .

 

 

ونقدمها .

 

 

 

 

 

 

 

 

 

 

.
.

 

 

| سلطة الخضار المشوية |

 

.
.

 

 

 

 

 

 

 

 

 

 

 

 

 

 

 

سهله , ولذيييذة , وتنفع لأهل الدايت .

 

| الطريقة والمقادير مع بعض | :

 

أول شي نقطع الخضار لقطع متوسطه ,

 

استخدمت : [ فلفل ملون | جزر | كوسا | بصل ] .

 

ونصب عليهم شوي زيت زيتون ونحط عليهم فلفل أسود وملح وثوم معمر طازج مقطع ,

 

- الثوم المعمر شريته من لولو هايبر ماركت - وهذي صورته من النت :

 

 

 

 

وهذي الخضار بعد التتبيل :

 

 

 

 

نشويها لما تستوي - شويتها ع الفحم , ممكن تستخدمون الفرن أو الشواية الكهربائية - .

 

 

بعدين نضيف عليها عصير نص ليمونة وشوي ملح و نضيف عليها جبن فيتا مقطع ونقلبها ونقدمها .

 

 

 

.

.

 

 

| Texas Fries |

.
.

 

 

 

 

لذيذ جداً .. يستاهل يتسوى أكثر من مره
 

| الطريقة والمقادير مع بعض | :
 

أول شي نحمس بصله مقطعه مكعبات صغيره وفص ثوم مفروم في زيت

ونذر شوي ملح عشان يذبل البصل .

بعدها  نضيف لحم مفروم - نص كيلو - ونحركه شوي ونخليه لما ينشف الماي حقه .

على ماينشف ,

نخلط بالخلاط :
 

- حبتين طماط مقشرة  ومقطعة
 

- ربع حبة - أو أقل شوي - فلفل أخضر بارد
 

- شوي كزبرة - قد ملعقة تقريباً
 

- 3 ملاعق طعام معجون طماط

- ملعقتين طعام كاتشب

- مكعبين ماجي
 

لما ينشف الماي من اللحم نضيف عليه بهارات وفلفل أسود ونقلبه دقايق ,

ثم نضيف الخلطة اللي خلطناها بالخلاط .

* بالنسبة للبهارات يستخدمون بهار التاكو , لكن أنا حطيت البهار العادي
 

ونقلبه ونخليه لما يتسبك وينشف شوي .

في هالوقت نقلي البطاطس ونحطه على صحن فيه منديل عشان يمتصل الزيت الزايد .

بعدها نحط عليه شوي ملح ونحطه بصحن التقديم ونحط عليه اللحم ونرش عليه جبن موزاريلا وشدر مبشورين ونحط قطع هلابينو .

هنا أنا أضفت صوص الشدر الجاهزه , هذي صورتها :

ونقدمه :

.
.

| ورق عنب |

.
.

 

 

 

 

 

| الطريقة والمقادير مع بعض | :

 

مقادير الحشوه :

- كاس ونص رز مصري منقوع في ماء لمدة ساعه

- بيالة زيت زيتون

- شوية نعناع مفروم

- حزمة بقدونس مفروم

- 4 حبات طماط مقطعه لقطع صغيره جداً .

- بصله مقطعه قطع صغيره جداً

- فلفل اسود

- مكعبين ماجي ( نحاول نفرمها عشان تذوب بسرعه مع المقادير )

- عصير ليمونتين

نخلط ونقلب هالمقادير مع بعض .
ونحشي فيها الورق عنب .

.
.

 

الحين نجيب حبة بطاطس ونقطعها شرائح دائريه ,
ونصفها بقاع القدر ونصف فوقها ورق العنب .

وبعدين نصب عليه موية  - يادوووب بس يغطي ورق العنب  - يعني مانعبي القدر .!

ونصب عليه :

- عصير ليمونتين إلى 3 ليمونات , بكيفكم .

- شوي زيت زيتون .

- مكعب واحد ماجي

ونغطيه بصحن وفوق هالصحن نغطيه بغطا القدر .
ونخليه ساعتين الا ربع على نار هاديه ,

ونقدمها لما يستوي .

 

.
.