| لنغويني باستا بصوص البطاطس | + | دجاج بصوص الصويا |

.

| لنغويني باستا بصوص البطاطس | + | دجاج بصوص الصويا |










| الطريقه والمقادير مع بعض | :


اول شي .
نجيب صدور دجاج _ حطيت صدرين بس _ ونقطعها مكعبات ونتبلها قبل بيوم بـ :

[ ملعقه كبيره صوص صويا + ملعقه كبيره صوص ورشيستر + فلفل اسود + بهار مشكل + بابريكا " + ملح + فص ثوم صغير مفروم ( الثوم مايطلع طعمه بالدجاج ترى ) + عصير نص ليمونه ]

بعد ما نتبلها بيوم .

نحطها بصينيه للفرن ونغطيها بقصدير ,
وندخلها الفرن


الحين نجيب لنغويني باستا ونسلقها ,


ونكون مجهزين بطاطس مسلوقه ( حبتين صغار * ) مع مكعب ماجي

نجيب قدر ونحط فيه ملعقة كبيره زبده مع بصل ( حجم وسط وممكن صغير ) مقطع شرايح طويله .
ونرش عليه شوية ملح عشان يذبل .

نضيف عليه فص ثوم _ متوسط _ مفروم .. ( بالآله حقته )
وهذي هي :




مالكم دخل بعدد الثوم بالصوره .. كنت بسوي اكثر من شي وقتها

ونقلب لما يذبل البصل ,

ونضيف عليه فطر ونقلب ..
ونضيف عليه شوية كزبره مفرومه ونص مكعب ماجي وفلفل اسود .

ونقلبهم ونخليهم شوي .



الحين بالخلاط نحط :


البطاطس .
مع شوي من موية السلق ونخلط لما ينهرس ويصير صوص ثقيل
نضيف عليه نص كاس كريمة خفق + نص كاس صوص الفريدو من هذا :




ونخلطهم .

بعدها نضيفهم على الفطر وشلته ..

ونقلب ,
لما ينخلطون مع بعض .

يومها تكون الباستا مستويه اكيد ومصفينها
نضيفها ع الصوص ونقلب .


ونرش عليها شوي نعناع مجفف ..

ونحطها بصحن .

ونجيب الدجاج لما يستوي _ ونكون محمرينه شوي من فوق بعد _

ونحطه فوق الباستا


صوره جويه




زوم خخخ

| فته |

| فته |

هذي طريقة بنت خالتي ..
طريقتنا غير المره الجايه ان شاء الله اسويها واحطها لكم .

| الطريقه والمقادير مع بعض | :

نقطع البطاطس والباذنجان لمكعبات متوسطه ونقليهم .
ونحطهم بصحن تحته منديل عشان يتمص الزيت الزايد .

نقطع الخبر مربعات ونقليه ونحطه بصحن فيه منديل ,

ونحط الـ بطاطس / باذنجان / خبز في صحن التقديم

ونسوي هالخلطه :

3 علب زبادي + ملح + فلفل أسود + عصير ليمونتين + بودرة ثوم - انا افضل تحطون ثوم مفروم طازج - + ملعقتين الى 3 ملاعق كبيره زيت زيتون .

ونصبها فوق البطاطس والباقي .

ونرش فوقها سماق + شوي بقدونس مقطع لقطع صغيره .

ونخليها بالثلاجه نص ساعه . ( ممكن تسوين الصوص من قبل وتخلينه بالثلاجه وتصبينه قبل وقت التقديم لو حابه )

| ميلك شيك الموز بالكراميل |

| الطريقه والمقادير مع بعض | :

نخلط بالخلاط : [ حبتين موز + 4 كور من آيس كريم + ملعقتين كبيره صوص الكراميل + شوية دارك شوكلت مذوب ]

والثلج اختياري .

نزين الكاس بالكراميل ونصب الخليط فيه ونزينه بكريمه وكاكاو بودره وكراميل .

* بالنسبه لـ " صوص الكراميل " :

نجيب نص كاس سكر ونحطها في قدر على نار هاديه لين يذوب السكر ويبدا يصير سائل ..

بعدين نحرك بملعقه ( الافضل تكون خشب وتتحمل الحراره ) .

كل ماطولتي كل ماصار مر .. انا عن نفسي ماحبه مر فأول ما اشوفه يذوب خلاص اضيف عليه نص كاس كريمة خفق واحرك .

انتبهي من البخار اللي بيطلع + ادري ان ممكن يعل قلبك عشان تخلطين بس حاولي قدر ماتقدرين تحركين وتذوبين السكر بالكريمه .

اذا باقي شوي ماذاب شيليه عادي ( انا احرك مدة 4 دقايق الى 5 دقايق ) عقب اشيله لا تخافين اذا كان سايل شوي لأن لا برد شوي بيبدى يجمد ويصير زين .

ولا أسهل .

| باي الـ تشيز كيك |

| باي الـ تشيز كيك |













| الطريقه والمقادير مع بعض | :

نسوي عجينة الباي :[ كاس طحين + اصبع زبدة بدرجة حرارة الغرفه + 3 حبات جبن كيري + 3 ملاعق كبيره سكر بودره ]

ونغطيها وندخلها الثلاجه نص ساعه ع الأقل .

الحين نجيبها ونحطها بصينية الكب كيك ( تكون حجم القوالب متوسطه )
ونشكلها على شكل القالب بحيث انها تكون مجوفه ( يعني العجينه تغطي القاعده والأطراف بس )
ونسوي فيها شوية ثقوب بالشوكه على خفيف
ونحط فوقها ورق الكب كيك ونحط فوقه أي شي ينفع كثقل فوقها ( حبوب فاصوليا / عدس )
أي شي بما انه ماراح ناكله يعني :$
وندخلها الفرن لما تستوي ونطلعها ,

على ماتستوي نكون مجهزين خلطة التشيز ..

نجيب علبتين جبن فيلادلفيا – العلبه اللي فيها 300 جرام –
يعني المجموع 600 جرام
ونخلطها بيدنا بالخلاط اليدوي شوي شوي بس تلين ونضيف عليها 3 حبات بيض وفانيلا شوي
ونخلطها ونضيف عليها نص علبة زبادي ونص كاس سكر
ونخلط شوي شوي لما نحس ان الخليط صار متجانس

الحين عقب ماستوت عجينة الباي نضيف عليها خلطة التشيز وندخل الصينيه في صينيه اكبر منها في ماي عشان نسوي حمام مائي ,
وندخلها الفرن على حرارة 350 درجه – مشغل مسبقاً-

ونخليها بالفرن لما تستوي - عشان حجمها مو كبير خذت معي تقريبا نص ساعه -
+ نعرف انها مستوي لما نضغط عليها بالوسط على خفيف ونحسها جامده .

لما توصل لهالمرحله نسكر الفرن ونفتحه دقيقه ونرجع نقفل الباب ونخليها تكمل طبخ
- خذت معاي نص ساعه بعد لأن القوالب متوسطه -


الحين نطلعها ونخليها بالثلاجه ..
انا اخليها يوم كامل افضل .
وزينيها باللي تحبين .

هنا زينتها بكريمه وفراوله وكريمه وشيره :

















وهنا قلبتها وزينتها :









( تكسرت شوي =( )





وهنا سويت جاناش شوكلت وقلبتها وغطيتها فيه وزينتها بكريمه وكاكاو :

| دجاج بـ الكريمه وجوز الهند |

.

.

لايغركم الأسم ..
تراه لذيذ واللي بتسويه بتدعي لي ( كيف الثقه  )
ولاتحسون بطعم جوز هند ولاشي



| الطريقه والمقادير | :

نجيب صدور دجاج مقطعه مكعبات
ونحمسها مع بصل ابيض وثوم وزيت ومكعب ماجي
ولما يتحمر ويستوي نضيف عليه كزبره مفرومه
وربع ملعقه بهارات كاري
وشوي بهارات مشكله عاديه
ونقلبها




الحين نخلط : علبة كريمه خفق + نص علبة زبادي + 3 ملاعق كبيره بودرة جوز الهند
ونضيفها عليه ,





ونخليه لما يثقل ويتسبك .


لما تثقل وتتسبك نقدمها مع رز بالزعفران - زينتها برمان مجفف -

| ربيان بصوص الورستاشير |

,

| ربيان بصوص الورستاشير |





سهل جداً ..
+ ما امداني اصوره زين من العجله .
حطي الغدا وحطي الغدا مدري وش معجلهم

| المقادير | :




بصل أخضر ونقطع الجزء الأبيض منه بس لشرايح دائريه - ترى اللي في الصوره أكثر بس مدري ليه متخبي -
ليمونه مقطعه شرايح دائريه
فلفل احمر حار صغير – نصيحه لاتقطعونه مثلي والا بتكحون من الحراره لبكرا .. أثره أصلي -
ربيان منظف ومقشر ومخلين الذيل حقه



| الطريقه | :

نحط ملعقه من الزبده وشوي زيت ع النار
ونحط عليها البصل والفلفل .
ونقلبهم دقايق بس ونضيف عليهم نص مكعب ماجي وشوي بهارات .

الحين نضيف الربيان ونقلبه دقايق بس ..
ونضيف عليها ربع كاس صوص ورستاشاير وملعقه صغيره صلصة طماط .
نقلبه شوي ونضيف عليه شرايح الليمون ,

نخليهم ثلث ساعه تقريباً ع النار

ونقدمه .

| Pancakes |

| Pancakes |

صباحكم رواقه ..

أمس مسكت  معنا أنا وامي رواقه الصبح ونبي نسوي بان كيك
عاد هي ماتبي ابو علب :$

حسنا بالنت من هنا ومن حنا جمعنا كم طريقه مع بعض لين طلعنا بهالشي :

- طبعاً كثر الله خيري زينته والا الخلط ماقربته خخخ -

| الطريقه والقادير مع بعض | :

3 بيضات نخفقهم مع ملعقه صغيره فانيلا وبيالة شاي سكر

بعدين نضيف بيالة زيت كاس ونص دقيق .

بعدين نضيف كوب حليب - مثل السعوديه - وملعقه كبيره بكينج باودر .

ونضربهم بالمضرب اليدوي لين يتجانسون

الحين ناخذ حبة جبن كيري ونحطها بكاسه ونحاول نلينها بالملعقه ونصب عليها مقدار ملعقة من خلطة البان كيك عشان تنخلط ولا تتكتل بعدين .

وبعدين نحط مقدار ملعقتين عليها ونخط . - اذا ماتبين مع جبن كيري ممكن تستغنين عن هالخطوه -

ونرجع خلطة الجبن على خلطة البان كيك ونخلطها بالمضرب اليدوي .

ونصبها ..

انا اسويها بآلة البان كيك واصب شوووي بس عشان تطلع صغار .

وانتبهي اذا كانت حاميه خليها دقيقه واقلبيها ..

اما لو كانت لسا ماحامت خليها دقيقتين كذا لين تتشقر على خفيف .

انا كل ماحمت اسكرها واشتغل ابو كم دقيقه وارجع اولعها ( والله يستر لا تخترب الاله علي خخخخ )

بالنسبه لـ " صوص الكراميل " :

نجيب نص كاس سكر ونحطها في قدر على نار هاديه لين يذوب السكر ويبدا يصير سائل ..

بعدين نحرك بملعقه ( الافضل تكون خشب وتتحمل الحراره ) .

كل ماطولتي كل ماصار مر .. انا عن نفسي ماحبه مر فأول ما اشوفه يذوب خلاص اضيف عليه نص كاس كريمة خفق واحرك .

انتبهي من البخار اللي بيطلع + ادري ان ممكن يعل قلبك عشان تخلطين بس حاولي قدر ماتقدرين تحركين وتذوبين السكر بالكريمه .

اذا باقي شوي ماذاب شيليه عادي ( انا احرك مدة 4 دقايق الى 5 دقايق ) عقب اشيله لا تخافين اذا كان سايل شوي لأن لا برد شوي بيبدى يجمد ويصير زين .

لا سويتي البان كيك زينيه بالكريمه وحطي عليه صوص الكراميل .

أطلق بكثير من صوصات البقالات والشيره حقت البان كيك الجاهزه اللي مدري كيف الناس تاكلها