| كيكة البرتقال |

.

.

 

 

 

 

 

 

 

 

سهله وخفيفة ,

| الطريقة والمقادير مع بعض | :

نخفق 4 بيضات - نكون مطلعينا من قبل ومخلينا برى الثلاجة عشان تصير بدرجة حرارة الغرفة -

مع ملعقة صغيرة فانيلا لمدة دقائق ,

بعدين نضيف عليها 4/3 كاس سكر ونخفق لما نحس أن السكر بدا يذوب , نضيف كاس زيت .

ونخفقها لما نحس أنها بدت تصير كريمية نوعاً ما ..

الحين نضيف عليها :

كاسين طحين منخولين مع ملعقة كببرة بيكينج باودر ,

ونحركها شوي وبعدين نضيف ربع كاس عصير برتقال طازج مع بشر برتقالة - نبشر الجزء البرتقالي من غير الجزء الأبيض -

ونخفقهم مع بعض لما يتجانسون .

الحين نجيب صينية للفرن وندهنها بزيت وبعدين ننخل فوقها طحين شوي وبعدين نحرك الصينية عشان يتحرك الزايد من الطحين ويروح للأطراف .

نصب خليط الكيك وندخله فرن مشغل مسبقاً على درجة حرارة 360

ونخليها تقريباً من 35 - 45 دقيقة .

ونتأكد أنها استوت لما ندخل فيها عود ويطلع جاف .

على ماتستوي ناخذ ربع كاس عصير برتقال طازج مع ربع كاس سكر ونخلطهم مع بعض ,

لما تستوي الكيكة نطلعها من الفرن ونقلبها ونجيب فرشه وندهن الكيكة بعصير البرتقال مع السكر ,

عشان تتشربه وهي حاره ونخليها تبرد وقبل التقديم نرش عليها سكر بودره ونقدمها .

 

 

 

 

.

.