سهل جداً ولذيذ , تغيير عن الطعم المعتاد ..
أهم شي أعجب أمي :p
| المقادير | :
- أصبع زبدة - 100 جم - بدرجة حرارة الغرفة
- نص كأس سكر بني فاتح
- نص كأس سكر
- ربع كأس شراب القيقب ( maple syrup )
- بيضة , بدرجة حرارة الغرفة
- ملعقة صغيرة فانيلا
- ربع ملعقة صغيرة قرفة مطحونة
- شوي ملح
- كاسين طحين منخول مع 2/1 ملعقة صغيرة بيكينج صودا
| الطريقة | :
نخفق الزبدة مع السكر حتى يصير عندنا قوام لين وطري ,
نضيف عليها البيض والفانيلا ..
نخفق حتى يصير القوام كريمي تقريباً , نضيف عليها شراب القيقب والقرفة والملح .
ونخفق دقايق بس
بعدين نضيف عليها الطحين مع البيكينج صودا شوي شوي مع استمرار التقليب والخفق .
لما تتجانس مع بعض مثل كذا
نغلفها وندخلها الثلاجة مدة ساعتين أو نخليها لليوم الثاني مثل ما أنا سويت .
بعدين نكورها لكور متساوية ونحطها في صينية عليها ورق زبدة
وندخلها الفرن مشغل مسبقاً على درجة حرارة 350 .
مدة 10 دقايق .
ونطلعها ونخليها تبرد شوي ونقدمها مع حليب أو أي شي تبونه
.
.
.
اذا اريد اغير نكهة القرفه بشو تنصحيني احط بدالها؟
ردحذفممكن تستغنين عنها وما تستبدلينها بشي , وممكن تضيفين لوز مجروش مثلاً أو نوع مكسرات تحبينه وممكن يتماشى مع الوصفه
حذفالله ،
ردحذفمبين عليه شهي ، و أحسن شي مكوناته قليلة ما فيها بربسة .
لكن شراب القيقب هو نفسه ذيك الشيرة الجاهزة حقت البانكيك ؟!
لا لا مو نفسه .
حذفبصوره لكم وأحطه مع الوصفه إن شاء الله .
يعطيك العافيه
ردحذفبس شراب القيقب مالقيته عندنا بالخبر. تعرفين وين اﻻقيه؟؟؟؟
أتوقع تلقينه بالهايبرماركت ..
حذفمثل لولو وبنده .
لأن أنا لقيته بجيان الكويت وأكثر من جمعية عندهم بعد تبيعه
فأكيد إن متوفر بالهايبر ماركت اللي هنا
أنا بصوره لكم بإذن الله وأضيفه مع الوصفة
عند التميمي انا حصلته
حذفيسلمو دياتك. بعطيك العافيه ياقمر
ردحذفبس شراب القيقب وين اﻻقيه بالخبر. تعبت ياليت تعطيني صوره. له وشكرا
ماااشااااااء اللَّه تباااااارك اللَّه
ردحذفاللَّه يحرّم يدك عن النااار
شغلك مرررره رآآقي و مرتب
السلام عليكم
ردحذفوصفات رائعه
ما شاء الله..
سؤالي عن درجة الحراره هل تقصدين بالمئوي او فهرنهايت؟!
وشكرا
السلام عليكم
ردحذفما شاء الله تبارك الرحمن وصفات رائعه
سؤالي بخصوص حرارة الفرن هل هي مئوي او فهرنهايت؟!
شكرا..