الجمعة

| حلى الجاناش بالشوكولاته البيضاء |

.
.



نقرتين لعرض الصورة في صفحة مستقلة



نقرتين لعرض الصورة في صفحة مستقلة


سهل ومايبيله .

عباره عن 4 طبقات - طبقتين منهم نفس الشي -


الطبقه الأولى - اللي تحت :

كيك فانيلا مفتت .. نحط في القاع من الكاس او صحن التقديم .


الطبقه الثانيه :

صوص الفراوله - مثل اللي في طريقة كيك الفيلادلفيا -


الطبقة الثالثه :

كاس من جاناش الشوكولاته البيضا ..
مثل طريقة الجاناش بالشوكلاته اللهم هنا حطيت الشوكولاته البيضا .

اللي هي ع النار :
نحط علبه كريمة خفق - المراعي العلبه الصغيره -
ونخليها لما تغلي .

الحين نصبها على 300 جرام من الشوكولاته البيضا تكون مقطعه صغار عشان تذوب بشكل اسرع .

ونحركها لما تذوب وتنخلط مع الكريما .

نخليها تبرد .

وبعدين ناخذ منها مقدار كاس ،

نخلطه بالخلاط مع : [ نص علبة لبنة بينار + 8 حبات جبن كيري ]

ونصبها كطبقة ثالثه .



الطبقة الرابعه :
صوص الفراوله .

ونزينها بفراوله ونعناع .




نقرتين لعرض الصورة في صفحة مستقلة



نقرتين لعرض الصورة في صفحة مستقلة


يقال بوريكم من داخل كيف نقرتين لعرض الصورة في صفحة مستقلة .!


نقرتين لعرض الصورة في صفحة مستقلة


.
.

| كيكة الفيلادلفيا |

.
.



نقرتين لعرض الصورة في صفحة مستقلة



نقرتين لعرض الصورة في صفحة مستقلة





نقرتين لعرض الصورة في صفحة مستقلة



نقرتين لعرض الصورة في صفحة مستقلة



سهله ولذيذه ومايبيلها
لكل اللي مايحبون طعم الكريمه الحاليه هذي تعتبر خيار حلو لهم نقرتين لعرض الصورة في صفحة مستقلة

عباره عن :
كيكه بالفانيلا
صوص الفراوله
كريمة الفيلادلفيا

بالنسبه للكيكه نفسها ،
استخدمي أي كيكه بيضاء بالفانيلا تعجبك .
انا عن نفسي اسوي حقت بيتي كروكر اسهل ،

عقب ماتسوتي تخلينها تبرد
وتقطعينها لمكعبات صغيره

أو ممكن تحطينها بصينيه مربعه وبس تقطعين الأطراف المتحمره .

عقب نقطعها من النص .

وندهنها بـصوص الفراوله ،

عباره عن :
ع النار نحط فراوله - المجمده تنفع - مقدار كاس تقريباً
+ 5 إلى 6 ملاعق كبيره مليانه سكر بودره .

نحركهم ع النار لما تبدى الفراوله تطلع الماي حقها .
عقب نقصر ع النار شوي وونحرك مدة 10 دقايق الى ربع ساعه .

الحين نخلطه بالخلاط .

وصار عندنا صوص الفراوله اللي ندهن فيه الكيكه من داخل .. كذا :


نقرتين لعرض الصورة في صفحة مستقلة


طبعا نكثر شوي وانتبهوا .. لا تقربون من الاطراف مثل ماسويت نقرتين لعرض الصورة في صفحة مستقلة .
لأن بعدين لما تغطونها بكريمه بتحوسكم .

الحين نحط الطبقتين اللي قصيناهم على بعض وندهنهم بالكريمه ،

الكريمه عباره عن :

نص اصبع زبده - بدرجة حرارة الغرفه -
+ 4 الى 5 ملاعق سكر بودره - مو مليانه -

نخفقهم لما يتجانسون
ثم نضيف عليهم علبة فيلادلفيا - الصغيره أم 200 جرام -
ونخفق بس مانطول مره .. أول مانشوفهم تجانسو نوقف .
وطبعاً ان حسيتو السكر قليل بالنسبه لكم زيدوه وحركو بالملعقه .

انا عن نفسي كمية السكر هذي تعجبني .

الحين ندهن الكيكه بالكريمه ونساويها :


نقرتين لعرض الصورة في صفحة مستقلة


ونصب شوي من فوق صوص الفراوله .
ونزينها بالفراوله والتوت والريحان ،



نقرتين لعرض الصورة في صفحة مستقلة





نقرتين لعرض الصورة في صفحة مستقلة



نقرتين لعرض الصورة في صفحة مستقلة


.
.

| كبه بـ لبن |

.


نقرتين لعرض الصورة في صفحة مستقلة


نقرتين لعرض الصورة في صفحة مستقلة


نقرتين لعرض الصورة في صفحة مستقلة




مسويتها من رمضان بس توني اتفرغ وأحطها :/

الطريقه اللي كنت اسويها أول بالنسبه للكبه أني أحطها بالفرن ،

لكن هالمره قليتها .
وحطيتها بصحن فيه منديل عشان يمتص الزيت .

وسويت الصوص اللي معها :

بالخلاط نحط [ 3 علب زبادي / كاس ونص حليب / شوي بقدونس ]
نحطها ع نار متوسطه ونقلب ونضيف عليها مكعب ماجي و3 ملاعق صغيره نشا .

ونحرك لما يبدى يثقل شوي .

الحين نقوم نجيب فص ثوم صغير ونفرمه ونحطه النار مع شوي زيت ونضيف عليها كزبره مفرومه ،

ونضيفها ع الزبادي .

الحين نصب الصوص بصحون تقديم وحط الكبه ..
ونحط عليها صنوبر محمر + نعناع مجفف .


نقرتين لعرض الصورة في صفحة مستقلة


نقرتين لعرض الصورة في صفحة مستقلة

نقرتين لعرض الصورة في صفحة مستقلة

* لو كنتو تبون الكبه مطبوخه معها تقدرون تحطونها آخر شي عقب ماتستوي ويستوي الصوص وتخلونها تطبخ معه 10 دقايق لربع ساعه .

* بالنسبه للصحون تراها من سعد الدين


.
.

| حلى الشمام بالبشاميل |

.
.

كني أشوف عيونكم تلوقس يمين ويسار نقرتين لعرض الصورة في صفحة مستقلة ؟
وأنا اسويه خفت ان يطيح بكبدي ومحد ياكله بس الحمدلله جاز لهم


نقرتين لعرض الصورة في صفحة مستقلة

غريب ورهيب ..
وثقيل نوعاً ما .

للي يحبون التغيير نقرتين لعرض الصورة في صفحة مستقلة

وبالمره نقدر نصرف هالشمام اللي يجبه ابوي كل كم يوم ..
زهقنا كل شوي نسوي منه عصير نقرتين لعرض الصورة في صفحة مستقلة

نجيب قطع شمام ونقطعها ونحطها بصحون السوفليه .
نعبي الصحن للنص بس .

الحين نسوي البشاميل :

ع النار نحط زبده - انا تقريباً حطيت ملعقتين كبار -
ونحط الطحين - تقريبا حطيت من 3 لأربع ملاعق كبيره -
الطحين بالنظر احطه ماعتمد على كميه محدده .
واحرك لما يصير متجانس مع الزبده .

اضيف عليه حليب سايل - مقدار كاسين تقريباً -
اضيف شوي شوي ما اضيف كله مره وحده .

واحركه لما يغلي ويتجانس مع الطحين والزبده - عشان مايتكتل -
وابدى اضيف شوي بعد .. وكذا لما تخلص الكميه اللي عندي أو لما تشوفونه صار ثقيل شوي مو مره .

لأنه بيثقل زود لما يبرد .


الحين قبل لا نصبه فوق الشمام .
نرش شوية سكر ع الشمام ،

ونصبه عليه .
وندخله الفرن ابو ربع ساعه كذا ونحمره من فوق .

وعقب مايستوي نطلعه يبرد من ثلث إلى نص ساعه تقريباً .
حلاته ينوكل دافي ،
ونحط عليه آيس كريم فانيلا ..

عشان نعادل كمية السكر + عشان يطلع أحسن بكثير بصراحه من لما ينوك كذا .. أحسه يكون اثقل لو ينوكل لحاله مدري ليه .


طبعاً هنا ما امداني حطيت الآيس كريم الا ذاب على طول :/

وزينته بشمام مقطع شرايح رفيييعه عشان يقال تعرفون ان اللي داخل شمام نقرتين لعرض الصورة في صفحة مستقلة

نقرتين لعرض الصورة في صفحة مستقلة


وهنا صوره تبين فيها طبقة البشاميل



نقرتين لعرض الصورة في صفحة مستقلة


.
.



| دجاج بالليمون والأعشاب |

.
.



نقرتين لعرض الصورة في صفحة مستقلة


نقرتين لعرض الصورة في صفحة مستقلة


| الطريقه والمقادير مع بعض | :


نقطع الدجاج لمكعبات متوسطه - انا هنا قطعتها صغيره لأن كنت بسويها ساندوتشات بس قالو يبون رز وغيرت الطبخه نقرتين لعرض الصورة في صفحة مستقلة -

ونحط معها عصير ليمونه + ملعقه كبيره خل
انا خليتها تتبل قبل بليلة وخليتها بالثلاجه عشان يطلع طعم الليمون فيها .

عقب ماتتبل الدجاج .
ع النار نحط بصل ابيض مقطع شرايح طويله مع شوي زيت ونحرك لما يذبل ونضيف الدجاج عليه .

ونحركه ونخليه لما ينشف الماي حقه ونضيف عليه جزر مقطع شرايح .
ونرش عليه شوي : روزماري مجفف - اكليل الجبل - + ريحان مجفف .

وشوي كركم وفلفل اسود وملح .

ونقلبهم ..
ونضيف عليه تقريباً ربع كاس صوص الورستاشير
ونحركهم ونخليهم من 5 الى 10 دقايق بس .

ونضيف عليهم قطع طماط صغيره مو مقطعه - هذي حجمها صغير مره اصغر من الشيري توميتو العاديه -

وشرايح ليمون ،
ونقلب دقيقتين .

عقب مانسكر النار نضيف عليه بصل اخضر مقطع ونقلبه دقيقه ونقدمه .


نقرتين لعرض الصورة في صفحة مستقلة


.
.

| حلى الكوفي |

..



نقرتين لعرض الصورة في صفحة مستقلة



نقرتين لعرض الصورة في صفحة مستقلة



نقرتين لعرض الصورة في صفحة مستقلة



حلى سهل وللي يحبون نكهة الكوفي بالحلويات مثلي بيعجبهم ان شاء الله .

الحلى سهل وخطواته بسيطه لكن بشرحه بالتفصيل شوي لتفادي بعض الأخطاء اللي ممكن تخربه عليكم نقرتين لعرض الصورة في صفحة مستقلة .

عباره طبقتين ،

الطبقه الأولى - اللي تحت - :
بقدر ع النار نحط :
[ ملعقتين كبار حليب بودره + كاس ماي + ظرف كريم كراميل + ملعقه كبيره نسكافيه ]
ونحركها لما يبدى يغلي ويثقل شوي .

الحين نحطه بالخلاط مع " علبة قشطه + كاس ونص كيك فانيلا مفتت " .
يعني نجيب كيك فانيلا جاهز أو مسوينه
ونفتته بيدنا أو بخلاط .
ثم ناخذ منه مقدار كاس ونص .

المهم عقب مانخلط هذولا كلهم
نصبهم كطبقه أولى ،

ونحطهم بالفريز على ماتسوي الطبقه الثانيه ..

الطبقه الثانيه :
في قدر ع النار :
[ كاس ماي + ظرف كريم كراميل + ملعقتين كبار كاكاو بودره - مو مليانه - + ملعقتين كبار نسكافيه - مو مليانه - ]
هالطبقه مره بتكون ترى .. ممكن تحطون ملعقة وحده نسكافيه لو تحبون .

ونحركها لما تبدى تغلي وتثقل شوي .

الحين نروح بالملعقه نصب الطبقه الثانيه ..
يعني مانصبها صب ع الكاسات لا شوي شوي
عشان لا تحوس الشكل .
ونحاول نسرع واحنا نصب عشان لاتجمد وتتكل .

وعقب نخليها بالثلاجه ساعه اقل شي .
وتزينها بكريمه .
زينه بأكثر من شكل :

نقرتين لعرض الصورة في صفحة مستقلة


نقرتين لعرض الصورة في صفحة مستقلة


نقرتين لعرض الصورة في صفحة مستقلة


* ممكن استبدال الطبقه اللي فوق بشوكلت جاناش
* هالحلى ماينفع بغير الكاسات

.
.

| عصير ليمون بنعناع |






نقرتين لعرض الصورة في صفحة مستقلة


| الطريقه والمقادير مع بعض : |

جيبي نعناع قد قبضة اليد تقريباً .. أو اكثر شوي .
واخلطيه بالخلاط مع 5 ملاعق كبيره سكر وشوي ماي - بس شوي انتبهي لا تكثرين عشان ينخلط معك ولا يصير قطع كبار -

الحين صبي عليه عصير ليمون - نص كاس تقريباً - طازج طبعاً .
وحطي ملعقه كبيره حليب بودره - الملعقه ممسوحه مو مليانه -
وثلج .

وخليهم ينخلطون
الحين صبي عليها 3 كاسات ماي .
وبعدين عاد عدلي اللي تبين .. السكر .. الماي .. الليمون ..اللي هو يعني .
ع اللي يجي على مزاجك

.
.

BrB