السبت

| شوكلت تشيز كيك |



نقرتين لعرض الصورة في صفحة مستقلة



نقرتين لعرض الصورة في صفحة مستقلة


| الطريقه والمقادير مع بعض | :


الطبقه الأولى - اللي تحت - :

16 حبة أوريو مطحونه - بدون الكريمه -
+ نص اصبع زبده تقريبا - أو اقل شوي -

نفركهم في بعض ونصفهم بالصينية حقت التشيز كيك ونضغط عليه عشان يتماسك شوي .

وبعدين نغلف الصينيه من برا بقصدير - عشان بنسوي حمام مائي للتشيز كيك ومانبي الماي يدخل ويحوسها -

الحين نسوي الطبقه الثانيه :

بالخلاط اليدوي نخفق :
12 حبة جبن كيري + علبة زبادي لين يتجانسون .
ثم نضيف عليهم حبتين كبار بيض ورشة فانيلا ونخفق - شوي شوي -

وبعدين نضيف عليهم 3 ملاعق كبيره جاناش الشوكولاته - اللي هو كريمة خفق مع كاكاو خام مذوبين -
+ ثلاثة ارباع كاس سكر - ممكن تخلينها كاس كامل ان كنتي تحبينها تكون حالية شوي -
+ 3 ملاعق كبيره بودرة كاكاو .

ونخفقهم شوي شوي لما يتجانسون .

الحين نصبهم شوي شوي ع طبقة الأوريو

ونحط هالصينيه في صينية أكبر منها وفيها ماي دافي وندخلها الفرن ع حرارة 350 ..
ممكن تاخذ ساعه الا ربع وممكن اقل وممكن أكثر .
المهم ان لما نحط اصبعنا بالوسط على خفيف نلاقيها ثابته .

الحين لا استوت نسكر الفرن ونخليها تطبخ داخله لما يبرد الفرن .
عشان لما نطلعها برا ماتتشق علينا من فوق بسبب اختلاف درجة الحرارة فجأه .

عقب مانطلعها نخليها تبرد شوي ونصب عليها طبقة من جاناش الشوكولاته .

و ع الثلاجه .. الأفضل تقعد يوم كامل لما تتماسك بس انا ما امداني نقرتين لعرض الصورة في صفحة مستقلة .
خليتها يمكن 3 ساعات بس للأسف :/


ولما نجي نقطعها نغمس السكينه بماي دافي شوي عشان تنقطع مضبوط نقرتين لعرض الصورة في صفحة مستقلة


ونزينها ونقدمها .


نقرتين لعرض الصورة في صفحة مستقلة

اللي بيجربها بيدعي لي ان شاء الله وبيطلق تشيز كيك فاكتوري خخخخ

الجمعة

| فته بصلصة الطماط |

| فته بصلصة الطماط |







هالطريقه اخذتها من " سدن " وغيرت فيها شوي بس .

| الطريقه والمقادير مع بعض | :

نقطع الباذنجان والبطاطس والخبز لمكعبات متوسطه ونقليهم
ونحطهم في صحن فيه منديل عشان يمتص الزيت .


الحين نسوي صوص الطماط :
في الخلاط نحط :
[ حبة طماط مقشره + نص فص ثوم مفروم - صغير - + ملعقه صغيره صلصة طماط + ملعقة كبيره زيت + ملعقه صغيره دبس رمان + نص مكعب ماجي ]
بعد ماينخلطون نحطهم بالنار ونخليه يثقل لما يصير مثل صوص البيتزا

الحين نسوي الصوص الأبيض :
عباره عن :
علبة زبادي + ملعقتين كبيره طحينه + فص ثوم صغير مفروم + ملعقه كبيره مليانه لبنة - افضل شي بينار - + ملح + ليمون - على حسب ممكن عير نص ليمونه ممكن وحده كامله -


الحين نجيب صينية التقديم ونحط فيه بقدونس والباذنجان والبطاطس ونصب شوي من الصوص الأبيض .
ونرجع نحط بقدونس وبطاطس وباذنجان وشوي من الخبز ونصب فوقها الصوص الأبيض وصوص الطماط ونحط بقدونس وباقي الخبز



| فطاير الجبن |

| فطاير الجبن |





هالطريقه رهيبه وفيها شي ممكن البعض بيستغرب منه .
بس لما تذوقونها استحاله تصدقون انه موجود لأن طعمه يقلب زين :D


سوي العجينه اللي تعجبك
انا عن نفسي سويت هذي :


مقادير العجينه :

كاسين طحين
ربع كاس زيت
رشة ملح
ملعقه كبيره خميره فوريه
ملعقتين كبيره سكر
كاس حليب سائل دافئ مو مغلي - مثل حليب السعوديه -
ملعقة ونص صغيرة باكنج باوردر

الطريقه :

نحط السكر والخمير والبكنج باودر على الحليب ونتركه 5 دقايق
وبعدها - اذا كنتي بعجنينها بيدك ضيفي الحليب واللي معه شوي شوي ع الطحين واعجني -

واذا كنتي بتعجنينها بالآله ،
ضيفي الحليب اول بعدين الطحين مع الزيت

لما تنعجن غطيها ببلاستك وخليها تتخمر ساعه .


الحين نسوي الحشوه :
عباره عن :
جبن كيري + فلفل احمر بارد مقطع صغااار + بصل ابيض - تقريبا ربع حبه - مقطع صغااااار
وخلي كمية الجبن ضعف كمية الفلفل والبصل .
حركيهم مع بعض لما يصيرون متجانسين


الحين نفرد العجينه ونخلي جزء ع الفراده - بتشوفون بالصوره -
ونحط عليها الحشوه ،



ونرفع الطرف اللي ع الفراده ونغطي فيه - كننا نلحف الجبن D11 -
مثل كذا :





ونقطعها مثل كذا :



وناخذها حبه حبه ونبرمها ونحطها بصينيه مدهونه بزيت وندهن الفطاير ببيض أو حليب سائل - مثل بوني وكذا -
ماكان عندي فايتخدمت حليب نيدو مع ماي :(




وندخلها الفرن لما تستوي ونحمرها من فوق




ونقدمها




| جبنية بالتويكس |

| جبنية بالتويكس |










للجبنيه :

كاسين طحين ابيض
كاس جبن سايل - صغير -
بيضه
ملعقه كبيره خميره
رشة ملح
ملعقه كبيره سكر

نعجنها بحليب لين تصير لينه .
ونخليها تتخمر .


بعدين نفردها - نحط طحين ع المكان اللي بنفرد فيه عشان ماتلصق -
ونقطعها دوائر ونحط فيها قطع تويكس صغيره ونكورها ونقليها في زيت غزير .

ونحطها في صحن عليه منديل عشان تنشف من الزيت
ونزينها ونقدمها .

هنا صوره عقب ماقطعته عشان يبين ان التويكس ذايب D12





| تورتيا الدجاج بالشطه |

.
.

| تورتيا الدجاج بالشطه |







| الطريقة والمقادير مع بعض | :

بالنسبه للدجاج :
نفس طريقة الدجاج اللي بالشطه ( هنا )

نجيب خبز تورتيا وندهنه بهالصوص :
[ خردل + مايونيز + كاتشب ] - مخلوطين مع بعض -

ونحط الدجاج مع خس مقطع وجبن مبشور - حطيت موزاريلا -
ونلفها ونقدمها .



 
 
 
 
 

.
.
 
 

| دجاج بالشطه |


| دجاج بالشطه |











للي يحبون الشطه ويحبون الحار مره .. 0
بصراحه اخذت طريقته من عضوه اسمها - فهاوه - في منتدى وغيرت شغلات بسيطه فيه .

امممم احس اقرب طعم له بافلو تشكن :/

| الطريقه والمقادير مع بعض | :

بالنسبه للدجاج
اخذت صدور دجاج وقطعتها مكعبات متوسطه .
وتبلتها بليمون وثوم .

بعدين اخذت الدجاج حبه حبه وغمسته في :
[ طحين + بهارات مشكله - ملعقه صغيره تقريبا - + شوي بابريكا + فلفل اسود + ملح ]

عقب مانخلص منهم كلهم ونغمسهم المره الأولى نغسمهم ثانيه عشان تصير الطبقه سميكه شوي .

الحين نخليه بالفريز نص ساعه ،
ونقليه بس يتحمر خفيف .

ونشيله .

ونحطه على منديل عشان يمتص الزيت .

الحين نسوي الصوص :

ع النار :

[ 3 ملاعق كبيره - ممسوحه - سكر بني + 4 ملاعق كبيره كاتشب + ربع علبة شطة - ابو ديك لأنها بارده شوي 0 - + حطيت علبه صغيره شطة تباسكو - الصغيره مره اللي بالصوره - ]

لما يطبخ شوي .

الحين نجيب صينية للفرن ونحط فيها قصدير ونحط الدجاج فيه - انا حطيت نص الكميه -




ونصب شوي من الصوص عليه ونقلب شوي .
ونضيف الدجاج الباقي والصوص الباقي ونقلب شوي .



ونغطيه بباقي القصدير وندخله الفرن نص ساعه .



وبعدين نطلعه ونقدمه ،







انا سويت معه صوص عشان يبرد علينا 0
عباره عن :
[ ملعقتين مايونيز + بصل اخضر مقطع + ملح + فلفل اسود + ثوم بودره .. بعدين نبدا نخففه بلبن لما يصير الخليط لاهو سايل مره ولا ثقيل ]





وبعدين بالنهايه كلناه مع رز 0

| حلى المنقا |




.
.





من الحلويات اللي نسويها من سنين ..

| الطريقه والمقادير مع بعض | :


الطبقه الأولى :

كيك بالفانيلا - تبين الجاهز تبين انتي تسوينه براحتك -

نقطعه لشرايح ونصفه بصينيه ونضغط عليه عشان يتماسك مع بعض .



الطبقه الثانيه :

بالخلاط :


- 6 حبات جبن كيري ..
- علبة كبيره قشطة " قيمر " - لأنها تجي اثقل -
- كاس عصير منقا ( كي دي دي ) افضل شي

إذا ماتوفر نستخدم " نادك "
- ظرفين دريم ويب 

نخلطهم و نصبهم ع الكيك وندخلهم الثلاجه .

الطبقة الثالثه :

ع النار :
كاسين عصير منقا + 4 ملاعق كبيره نشا + ملعقتين كبيره سكر .
ونحركهم لما يثقلون .
عقب نسكر عنه النار ..
ونحطه بالثلاجه نص ساعه تقريبا عشان يبرد


وبعدها نصبه بشويش على اللي حطيناه بالثلاجة ،

ونحطه بالثلاجه لمدة 4 ساعات اقل شي .


ونزينه بشرايح كيوي و نقدمه .









| بابا غنوج |








هالطريقه من وحده لبنانيه ..
عطتني اياها وحده تعرفها يعني ان شاء الله مضمونه <- قصة حياتي

| الطريقة والمقادير مع بعض |

اول شي ناخذ باذنجان ونقطعه شرايح طويله - ماتكون سميكه ولا رقيقه مره -
وندهنها بزيت





ونحطها بصينية فرن ونغطيها بقصدير - عشان مانبيها تتحمر قد مانبيها تكون مستويه وبس -

تقريبا تاخذ نص ساعه ممكن اكثر وممكن اقل .


عقب ماتستوي نشيل القشر منها وبسرعه بينشال معنا .
وعقب نبدى نهرسها - ممكن نحطيها بالخلاط بس تاخذ لفه وحده فيه مو اكثر -

ونصب عليه عصير نص ليمونه ونقلبه عشان مايسوّد
ونضيف عليه فص ثوم مهروس وفلفل اسود وملح .

وعقب نضيف عليه :

طماط  مقطع صغار - انا ما احبه ابد بالسلطات فماحطيته -
فلفل اخضر بارد مقطع قطع صغار مره .
فلفل احمر بارد مقطع قطع صغار مره . - اختياري -
بصل اخضر مقطع صغار
نعناع طازج مفروم
بقدونس مفروم .





الكميه على حسب الباذنجان مافيه مقادير محدده .. تضيفينها بحيث انه ماتكون اكثر من الباذنجان ويصير مايبين .

عقب مانضيفها ونحركهم نضيف عليهم زيت زيتون ودبس رمان - مانكثر مره ونغرقه عاد -

وتقدمينها

انا حنا كنت حاطه تحت كقاعده باذنجان مقطع شرايح دائريه ومشوي .
وحطيت المحروس فوقها 0









الخميس

| حلا السكر لـ R M G |


( حلى السكر ) مثل ماتسميه صاحبته ( R M G ) الله يذكرها بالخير - اللي اخذت الطريقه منها - .


الطريقه والمقادير مع بعض :

الحلى عباره عن 4 طبقات ،
فبشرح الطبقات حبه حبه .
+ سويت منه صينيه كبيره وسويت منه قوالب صغيره .
بس الصينيه للحين ماقطعتها - مابقطعها الا لما يجون خالاتي للسحور نقرتين لعرض الصورة في صفحة مستقلة - فالشرح للصينيه و الشكل النهائي كان للقوالب
| الطبقه الأولى | :

بسكوت شاي نغمسه بحليب .. تغميس سريع مانخليه يطول عشان لا يلين كثير .
نصفه بصينيه عقب التغميس .

| الطبقه الثانيه | :

ع النار نحمس كاس ونص حليب بودره .. لما يقلب ذهبي على بني فاتح نقرتين لعرض الصورة في صفحة مستقلة


ثم لا شلناه من على النار نضيف عليه ربع كاس سكر بودره ونقلبهم .



نقرتين لعرض الصورة في صفحة مستقلة

ثم نضيف علبه قشطه ونحركهم لما ينخلطون على بعض زين .
الحين نحطه فوق البسكوت اللي صفيناه بالصينيه كطبقه ثانيه .

نقرتين لعرض الصورة في صفحة مستقلة

بصراحه كان الخليط ثقييييل وماتوقعت انه بيتحرك معي بسهوله وبيتعبني لما احطه فوق البسكوت ..
فقمت اضفت شوي حليب .. ومشي معاي مضبوط بس بعدين لما تحون تاكلونه بيصير لين شوي :/


+ البنت حقها لونه بني غامق تقولون كنه كاكاو وانا هنا قالب عندي كنّه زبدة فول سوداني مدري ليه نقرتين لعرض الصورة في صفحة مستقلة .!


رجعت للطريقه قلت يمكن حاطه كاكاو بودره بس مافيه قلت يمكن حامسته بزياده بس هي قايله لين يصير ذهبي نقرتين لعرض الصورة في صفحة مستقلة


المهم ماعلينا .. نكمل احسن


| الطبقه الثالثه | :

بسكوت مغمسينه بحليب سريع سريع مثل اللي قبله نقرتين لعرض الصورة في صفحة مستقلة
نصفه فوق الطبقه الثانيه

نقرتين لعرض الصورة في صفحة مستقلة


| الطبقه الرابعه | :

في الخلاط نحط :
[ ظرف دريم ويب + نص عليه حليب نستله - الكبير - + 4 حبات جبن كيري ]


عاد انا تفلسفت وحطيت 5 حبات قلت ابيه يكون اثقل ..
لكن الخلاط حالف حلف الا يخلط المطلوب .


تخيلو انه خلك كللللش الا حبة وحده من الجبن - الزايده - مارضى يخلطها نقرتين لعرض الصورة في صفحة مستقلة .


اقوم ارجعه ثانيه واخليه ينخلط من جديد .. نفس الحكايه .
وجع وش ذا الخلاط نقرتين لعرض الصورة في صفحة مستقلة ؟


قمت شلتها والشكوى لله .


الحين نصب هالطبقه فوق الطبقه الأخيره
وندخله الثلاجه لما يتماسك
وتزينونه باللي تبونه
البنت زينته بكاكاو مبشور


لكن انا غيرت ،


جبت لوز وطحنته بالنجر - لأنه شوي -
وبعدين جبت قوالب الميني باي وحطيت فيها قصدير وحطيت شوي من اللوز فيها .


ثم حطيت سكر ع النار لما ذاب شوي قعدت احركه لين صار سائل .


وصبيته ع القوالب في فيها اللوز .
ثم عاد حطيت باقي اللوز من فوق

نقرتين لعرض الصورة في صفحة مستقلة

وخليته بالثلاجه لما تماسك وشلته

نقرتين لعرض الصورة في صفحة مستقلة

وزينت فيه


نقرتين لعرض الصورة في صفحة مستقلة


نقرتين لعرض الصورة في صفحة مستقلة


نقرتين لعرض الصورة في صفحة مستقلة


نقرتين لعرض الصورة في صفحة مستقلة