| شوربة البطاطس والزهرة |

.

.

عندي طريقتها من زمان .. أخذتها من النت ولا أذكر لمين :( .

| المقادير | :

- كوبين زهرة مقطع وردات ,

- كوبين بطاطس مقشرة ومقطعة مكعبات

- فص ثوم مهروس

- مكعب ماجي

- 4 ملاعق زيت

- بصله مفرومه

- رشة ملح وفلفل أسود

- كوبين ماء مغلي

- كوب حليب سايل

- نصف كوب كريمة خفق

| الطريقة | :

نحمس البصل والثوم بالزيت بعدهاا نضيف الزهرة والبطاطس .
نضيف الملح ، الفلفل ، الماء المغلي ونتركه على نار هادية .

نضيف الحليب السايل والكريمة ونخلطه بالخلاط الكاس

ونردجعها ع النار ونخليها تطبخ شوي وبعدين نقدمها .

.

.

 

| شوربة كفتة اللحم |

.

.

خفيفة وأحبها , الناس أذواق طبعاً  .

| الطريقة والمقادير مع بعض |  :

بالنسبه للكفته :

نجيب لحم مفروم .

و نضيف عليه  :

[ بصله كبيره مفرومه | كزبره | فص ثوم متوسط مفروم | ربع حبة فلفل بارد مفروم ]

بعدين نضيف :

ملعقه صغيره مليانه بهارات مشكله

ملعقه صغيره ملح

ملعقة صغيره مليانه نشا

* النشا يخليها ناشفه ممكن نستدبله بتوست مطحون انا عن نفسي احبه كذا :D

ونخلطهم مع بعض بيدنا ,
ونشكلهم على كور وندخلهم الفرن .

لما تستوي .

* بالشوربه أخلي حجم الكفه صغير .

الحين في قدر نحمس بصل أخضر مقطع شرايح دائريه مع زيت ونضيف عليه :

- ملفوف وجزر و زنجبيل مقطعين شرايح طويله .

- فطر مقطع شرايح .

ونقلبهم دقايق ونحط عليهم فلفل أسود وبعدين نضيف كفتة اللحم .

ونقلب دقايق ونصب ربع كاس من صوص الساور سويت  ونحط مكعبين ماجي .

ونقلب , بعدين نضيف ماي ,

ونخليها لما تطبخ ونقدمها .

.
.

| شوربة كريمة الفطر |

.

.

سهله ولذييييذة ومقاديرها  بسيطة .

للي يبون يعرفون وش أقرب طعم لها , هي شوربة الفطر بمطعم نينو .

| الطريقة والمقادير مع بعض | :

أول شي نجيب علبتين فطر طازج - تلقونه بالسوبرماركت -

وننظفه ونقطعه لشرايح .

بعدين نحمس في قدر بصله كبيره مفرومه مع ملعقتين كبار مليانه زبده وشوي زيت .

لما يذبل البصل نضيف عليه الفطر .

نحمسه دقايق بس ونضيف عليه فلفل أسود وشوي ملح ومكعبين ماجي - دجاج -

ونضيف عليهم ماي من 4 كاسات تقريباً .

ونخليهم , لما يغلي الماي .

في الوقت اللي يطبخ فيه الماي نجيب حبة بطاطس كبيرة ونقشرها ونقطعها نسلقها .

لما تستوي نحطها في الخلاط مع نص مقدار الشوربة وقطع الفطر .

* مانخلط كل كمية الفطر بس النص عشان يبقى منها قطع في الشوربه .

بعد ما نخلط بالخلاط نضيفه على الباقي من الشوربة ونضيف عليها علبة كريمة خفق - الصغيره - .

ونخليها لما تطبخ الشوربة وتثقل شوي ونقدمها .

.

.

| الشوربة البيضاء |

.

.

| الطريقة والمقادير مع بعض | :

صدرين دجاج مقطعه لمكعبات نسلقها مع :

- قطعة فلفل بارد _ تقريبا ربع حبه او اقل _
- بصله صغيره - مو مقطعه نحطها كامله - 

- 4 حبات هيل

- حبات مسمار - اللي هو قرنفل -

- مع ورقة غار

ونسلقها لمدة تتراوح بين 15 الى 20 دقيقه .

بعدين نقطع الدجاج لمكعبات ونحط عليه فلفل ابيض واسود ,
ونصفي ماء السلق ونرجعه بعد التصفيه للنار ؟

ونحط بالخلاط :

[ 3 ملاعق طحين | كاس ونص حليب سائل - مثل حليب السعوديه-  ]
ونخلطه وبعدين نضيفه على ماء السلق بعدما يغلي ونحركه لما يثخن .

وبعدها نضيف :

- جزر مقطع مكعبات صغيره

- فطر مقطع شرايح

- ذره

ونخليه ع النار من 15 الى 20 دقيقه .

على ماتستوي الشوربه نحط ع النار شوية ثوم مفروم تقريبا نص فص وشوية كزبره مفرومه مع شوي زيت .
نقلبهم 5 دقايق بعدها نضيفهم ع الشوربه .

ولما تستوي نقدمها

| شوربة الشوفان باللحم |

.

.

 

| الطريقة والمقادير مع بعض | :

نسلق اللحم ونشيل اللي يطلع على سطح ماي السلق منه

 - مثل الزبد تقدرون تقولون .. احنا نسميه زفرة اللحم مدري وش تسمونه :/ -

بعدها نضيف عليه :

بصله مقطعه صغار مع ثوم مفروم وحبتين طماط مقطع لقطع صغيره ومكعبين ماجي وشوي ملح وملعقة صغيره مليانه بهارات مشكله .

ونخليهم ينسلقون مدة ساعه .

الحين نحط في الخلاط :

12 ملعقة كبيره شوفان مع شوي كزبره وطماطتين مقطعات و ربع حبة فلفل بارد وملعقة كبيره صلصة طماط .

احنا لما نخلط الشوفان نخلط أول شي 6 ملاعق مع حبة طماط وكزبره شوي ونضيفها للشوربة .

بعدين نخلط الـ 6 ملاعق الباقيه مع طماطه وربع حبة فلفل بارد ونضيفها للشوربه .

ونحركها لما تتجانس وتطبخ ..

ونقدمها .

* ملاحظات :

- كمية الشوفان هذي لـ 7 أشخاص  كل ما زادوا عدد الأشخاص كل مازادت كمية الشوفان والماي والمقادير الباقية .

- كمية الملح حسب الرغبه