| سندوتشات فتة الخضار بالحمص |

الجمعة

تنوكل بارده

طبعاً هي غير عن الفته العاديه ,

أول شي نجيب خضار نقطعها لمكعبات متوسطه - اقرب للصغيره - ,

الخضار هي :

[ باذنجان | كوسا | بطاطس | جزر ]

وممكن تحطون زهره ,

حطيناها هالمره بس حبيت طعمها بدون الزهره اكثر ..

وكلّن ورغبته .

ونقلي الخضار ..

ونحطها بعد ما تنقلى على صحن فيه منديل عشان يمتص الزيت .

| بعدها نسوي صوص البيتزا | :

نحمس بصل مقطع مكعبات صغيره مع زيت ..

بعدين نخلط طماطه مقشره مع ربع حبة فلفل بارد مع ملعقتين كبيره صلصه طماط بالخلاط .

وبعدين نضيفها ع البصل ونضيف عليها فلفل اسود وملح وشوي كمون - رشه بس - وشوي كزبره ناشفه ونحركهم لما تتسبك .

ونخليها على جنب .

| الحين نسوي صوص الحمص | :

عباره عن حمص جاهز - النوع اللي استخدمه اسمه شتوره - اصغر علبه .

- سعرها حول الريالين عشان تعرفونها

طبعاً أقصد الحمص الجاهز مو الحمص الحب !

نخلطه بالخلاط مع علبة زبادي وشوي بقدونس - مقدار ملعقه تقريباً بس - ..

بعد الخلط نحط معاه فص ثوم صغير مفروم وعصير ليمونه وملح وفلفل اسود .

الحين نجيب صينيه ونحط شوي من صوص البيتزا في القاع ,

ونحط الخضار عليها ونملحها شوي .

ونحط الباقي من صوص البيتزا فوقها ,

واخر شي نحط صوص الحمص .

وندخلها الثلاجه لما تبرد .

وتحطها بميني ساندوتش - شوفو حجمه صغير - .

ونقدمها

* هذي امي مسويتها كل اللي علي اني صورتها :$ !