| سلطة البطاطس بدبس الرمان |

.
.

| سلطة البطاطس بدبس الرمان |

كل هذا اسم هههههههههههه

* صورت الصحن اللي حطيت لي اياه عشان تبين الطبقات .

بنت خالتي كانت جايه عندنا وقلت لازم اتفنن لها واسوي اشياء تحبها وطلعت بهالسلطه اللي فيها شوي من التبوله وشوي من الفته وشوي من مدري ايش هههههه .!

| الطريقه والمقادير مع بعض | :

اول شي نقطع بقدونس وخس لقطع صغيره جداً - مفروم تقريباً -

وشوي نعناع مفروم ,

وبصل اخضر مقطع لحلقات صغيره .

ونحركهم مع بعض ونحطهم في صينية التقديم .

الحين نقطع بطاطس وجزر لمكعبات متوسطه - أقرب للصغيره -

ونلقيهم ونحطهم على صحن فيه منديل عشان يمتص الزيت .

ونجيب قدر ونحمس فيه شوية بصل مقطع لمكعبات صغيره مع شوي زيت وأول مايذبل نضيف عليه البطاطس والجزر ونحط عليهم شوي كزبره مفرومه .

ونلقبهم ونحط عليهم ملعقه صغيره دبس رمان وملعقه صغيره معجون طماط .

ورشة فلفل اسود وملح .

ونلقبهم شوي .

ونشيلهم من ع النار ونخليهم على مانسوي صوص الزبادي ,

| صوص الزبادي | :

نخلط علبة زبادي مع عصير ليمونه
وفلفل اسود وملح وفص ثوم صغير مفروم وملعقتين كبار صوص ايطالي ,

الحين نحط البطاطس والجزر لما بردو شوي ع الخس والبقدونس

ونصب فوقهم صوص الزبادي .

ونحط عليهم طماط مقطع لقطع صغيره .

.
.