| Brownies with strawberry coulis |

.

.

| Brownies with strawberry coulis |

براونيز بـ كولي الفراولة - صوص الفراولة -

 

 

 

 

 

 

 

 

 

 

 

 

 

 

 

طريقة جديدة للبروانيز , طعمها رهيييب وأخف من اللي سبق ونزلت طريقتها .

اللي سبق ونلزت طريقتها ( هنـا ) كانت تتشرب بالشوكلت جاناش

بس بهالطريقة بنشربها بكولي الفراولة ..

أخف , وتغيير عن الطعم المعتاد والفراولة خيار ممتاز مع الشوكولاتة .

.

.

| المقادير | :

 

-  200 جم شوكولاته والافضل طبعاً تكون نسبة الكاكاو الموجودة فيه 60 - 70 %

- اصبع وثلث تقريباً زبده ونقطعها لمكعبات صغيره .

- كاس وربع سكر ( ممكن كاس لو ماتحبينها حاليه مره )

- كاس طحين

- 3 بيضات

- رشة ملح

- رشة فانيلا 

* وما ننسى بالنسبة للشوكولاته ,

كل ما كان النوع ممتاز كل ماحصلنا على براونيز أفضل .

ولو قدرتي تحصلين شوكولاته فيها 40 جم عشان تصير مثل المقدار بالضبط أفضل وأفضل .

 

.

.

| الطريقه | :

نجيب الصينية اللي راح ندخلها الفرن ونفرشها بقصدير  ونخليه مرتفع شوي عن الأطراف عشان يسهل علينا نشيل البراونيز بعدين

ونقطعها .

وندهن القصدير بزبده - من داخل طبعا - غير الزبده اللي بالمقادير .

* بالإمكان استبدال القصدير بورق الزبدة مثل ما اقترح علي البعض .

الحين نروح نذوب الزبدة مع الشوكولاته في حمام مائي ونحرك بشكل مستمر ونحاول مانطول عشان لا تحترق الشوكولاته

 

والأفضل طبعاً نكون مقطعين الزبدة مع الشوكولاتة لقطع صغيرة عشان تذوب بشكل أسرع ,

 

بعد ماتذوب ويتجانس الخليط نخليه يبرد شوي .

الحين نحرك السكر و البيض و الفانيلا مع بعض

بعدين نضيف عليهم الشكولاته والزبده اللي ذوبناهم ونحرك.

بعدها نضيف الطحين  على 3 مراحل 

نضيف كمية شوي ونحرك ونضيف شوي ونحرك وكذا

ونحرك شوي بس لما يتجانس مانبي نحرك كثير عشان مانبي ندخل فيها كمية هواء كبيره

بعدين نصبهم في الصينية

 

 

ونساوي السطح

ونحطها في الفرن - مشغل مسبقاً على 350 درجه

 

لمدة 25 - 30 دقيقه

الأفضل نشيك عليها بعد 25 دقيقة

 

وندخل عود ولازم يطلع شوي رطب ,

لو طلع جاف معناها مستويه أكثر من اللزوم .

 

 

* على ما تستوي نسوي كولي الفراولة ,

 

ع النار نحط :

 

- مقدار كاس فراولة مقطعة

 

- نص كاس سكر

 

- ملعقة صغيرة عسر ليمون

 

ونخليها على النار .. بتبدى الفراولة تطلع الماي اللي داخلها

 

نخليها 10 دقايق على نار متوسطة وبعدين نخلطها بالخلاط .

 

وبعدين نصفيها لين يتكون عندنا هالصوص :

 

 

 

 

ونخليها على جنب

 

لما تستوي البراونيز نطلعها ونصب عليها ربع كاس من كولي الراولة

نخليها تبرد على درجة حرارة الغرفه .

 

بعدين الأفضل نخليها يوم كامل بالثلاجة وقبل التقديم بنص ساعه أو ساعة نطلعها .

 

الطعم يفرق كثير ..

 

* طبعاً هي قاسية نوعاُ ما فاللي ماقد جربها لا يستغرب هالشي .

ونزينها بطبقة رقييييقة جداً من الشوكلت جاناش لو حابين .

 

ونقدمها :

 

 

 

 

 

 

 

 

* يوم صورتها كانت قبل لا أدخلها الثلاجة .

 

 

.
.