..
حلى سهل وللي يحبون نكهة الكوفي بالحلويات مثلي بيعجبهم ان شاء الله .
الحلى سهل وخطواته بسيطه لكن بشرحه بالتفصيل شوي لتفادي بعض الأخطاء اللي ممكن تخربه عليكم
.عباره طبقتين ،
الطبقه الأولى - اللي تحت - :
بقدر ع النار نحط :
[ ملعقتين كبار حليب بودره + كاس ماي + ظرف كريم كراميل + ملعقه كبيره نسكافيه ]
ونحركها لما يبدى يغلي ويثقل شوي .
الحين نحطه بالخلاط مع " علبة قشطه + كاس ونص كيك فانيلا مفتت " .
يعني نجيب كيك فانيلا جاهز أو مسوينه
ونفتته بيدنا أو بخلاط .
ثم ناخذ منه مقدار كاس ونص .
المهم عقب مانخلط هذولا كلهم
نصبهم كطبقه أولى ،
ونحطهم بالفريز على ماتسوي الطبقه الثانيه ..
الطبقه الثانيه :
في قدر ع النار :
[ كاس ماي + ظرف كريم كراميل + ملعقتين كبار كاكاو بودره - مو مليانه - + ملعقتين كبار نسكافيه - مو مليانه - ]
هالطبقه مره بتكون ترى .. ممكن تحطون ملعقة وحده نسكافيه لو تحبون .
ونحركها لما تبدى تغلي وتثقل شوي .
الحين نروح بالملعقه نصب الطبقه الثانيه ..
يعني مانصبها صب ع الكاسات لا شوي شوي
عشان لا تحوس الشكل .
ونحاول نسرع واحنا نصب عشان لاتجمد وتتكل .
وعقب نخليها بالثلاجه ساعه اقل شي .
وتزينها بكريمه .
زينه بأكثر من شكل :
* ممكن استبدال الطبقه اللي فوق بشوكلت جاناش
* هالحلى ماينفع بغير الكاسات
.
.
شكلووه لذيذ مررره
ردحذفتسلم يدك
يعطيكي العافية
ردحذفبالنسبة للطبقة الثانية الكاكاو يكون المر صح؟