| أومليت بالجبن والصلصه |

.

.

 

 

 

ماكنت ناوية أحطها بس كم شخص كلبوا مني الطريقة قلت أحطها هنا بالمره .

 

* تكفي لـ شخصين .

 

.

.

 

 

| الطريقة والمقادير مع بعض | :

 

 

بيضتين كبار نخفقهم مع ملعقة صغيرة معجون طماط وملح وفلفل أسود ونخليهم على جنب ,

 

نجيب ملعقة كبيره مليانه جبن سائل ونضيف لها ملعقة كبيره كريمة خفق ونحركها

ونضيف لها فلفل بارد مقطع لقطع صغيره مقدار ملعقة تقريباً .

 

الحين ع النار نحط زبده مع شوي زيت وبس تحمى نضيف البيض عليها .. ونقلبه عشان يستوي من الجهة الثانية ,

وبالنص نحط خلطة الجبن ونسكر عليه من الجهتين ونقدمه .

 

لذيذ وتغيير عن الأومليت العادي .

 

 

 

.
.

 

| Brownies |

.

.

 

 

| Brownies |

 

 

 

 

 

 

 

 

 

 

 

 

 

من الحلويات المفضلة عندي ,

بس مشكلتها دسمه .. لا وبعد أحط عليها شوكلت جاناش فتخليها أدسم وأدسم بعد .

 

بس لذيذة وتستاهل التجربة .

الطريقة حافظتها عندي من زمان من النت .

 

 

| المقادير | :

 

 

 

- نجيب مقدار 340 جم شوكولاته والافضل طبعاً تكون نسبة الكاكاو الموجوده فيه 60 - 70 %

ونقسم هالمقدار من الشوكولاته لجزئين ,

لأن جزء ( 170 جم ) راح نستخدمه مع خليط البراونيز والجزء الثاني ( 170 جم الثانية ) بنسوي فيه شوكلت جاناش .

- اصبع وثلث تقريباً زبده ونقطعها لمكعبات صغيره .

- كاس وربع سكر ( ممكن كاس لو ماتحبينها حاليه مره )

- كاس طحين

- 3 بيضات

- رشة ملح

- رشة فانيلا

 - 4/3 كاس قشطة خفق عشان نسوي فيها شوكلت جاناش
" يعني علبة صغيرة كريمة خفق "

* بالنسبة للشوكولاته ,

 

لازم نستخدم أنواع ممتازة .. الجالكسي وهالشغلات ماتمشي أبداً معاه .

كل ما كان النوع ممتاز كل ماحصلنا على براونيز أفضل .

 

هالمره حطيت 350 جم , بس دايم أحط 340 .. وهالعشرة ماتفرق كثير يعني .

+ إذا ما كان عندك ميزان ممكن وانتي تشترين الشوكولاته تشوفين هي عباره عن كم جم ؟

اللي بالصورة .. الكبير كان عبارة عن 300 جم والصغير 50 جم .

ولو قدرتي تحصلين شوكولاته فيها 40 جم عشان تصير مثل المقدار بالضبط أفضل وأفضل .

طبعاً بالميزان أفضل عشان يصير الشغل مضبوط 100 % بس هذا حل بديل .

الشوكولاته الكبيره تلقونها بالسوبرماركت , الأفضل إستخدام الدارك منها - مثل اللي بالصوره - .

.
.


| الطريقه | :


نجيب الصينية اللي راح ندخلها الفرن ونفرشها بقصدير ونخليه مرتفع شوي عن الأطراف عشان يسهل علينا نشيل البراونيز بعدين

ونقطعها .

وندهن القصدير بزبده - من داخل طبعا - غير الزبده اللي بالمقادير .

الحين نروح نذوب الزبده و 170 جم من الشوكولاته - اللي قسمناه من قبل - في حمام مائي ونحرك بشكل مستمر ونحاول مانطول عشان لا تحترق الشوكولاته ,

 

 

 

 

 

* هنا لسى مابعد ذاب بشكل نهائي

 

بعد ماتذوب ويتجانس الخليط نخليه يبرد شوي .

الحين نخفق السكر و البيض و الفانيلا مثل كذا :

 

 

 

بعدين نضيف عليهم الشكولاته والزبده اللي ذوبناهم ونحرك.

 

 

 

الحين نضيف الطحين
 

 

 

 

عن نفسي ضفته على 3 مراحل , أضيف شوي وأحرك وأضيف شوي وأحرك وكذا

ونحرك شوي بس لما يتجانس مانبي نحرك كثير عشان مانبي ندخل فيها كمية هواء كبيره

بعدين نصبهم في الصينية المدهونه ونساوي السطح

 

ونحطها في الفرن - مشغل مسبقاً على 350 درجه -
لمدة 25 - 30 دقيقه -
الأفضل نشيك عليها بعد 25 دقيقة
 وندخل عود ولازم يطلع شوي رطب ,
لو طلع جاف معناها مستويه أكثر من اللزوم .

بعدين  نطلعها ونخليها تبرد على درجة حرارة الغرفه .

* بالغالب تتقدم كذا بدون الجاناش لكن الطريقة تختلف في كمية الشوكولاته المستخدمه ومن هالكلام ,

وطبعاً هي قاسية نوعاُ ما فاللي ماقد جربها لا يستغرب هالشي .

.
.

 

الحين نسوي شوكلت جاناش بباقي الشكولاته و قشطة الخفق .

وهنا طريقته : | شوكلت جاناش |


الحين نصب الجاناش على البراوني ونخليهم يبردون على حراره الغرفه حوالي 4 - 6 ساعات لما يجمدون مع بعض .
الحين بإستخدام القصدير الزايد نرفع البراوني من الصينية :

 

ونقطعها بسكين كبير حاد .

عشان تتقطع بشكل مرت انا أغمس السكين بعد كل مره أقطع فيها بمويه دافيه .
 

 

 

 

ونقدمها :

 

 

 

 

أو مع آيس كريم الفانيلا - أفضل -

 

 

 

 

.
.

 

 

.
.

 

 

| شوكلت جاناش |

.
.

 

 

 

 

 

 

 

 

من الأشياء الأساسيه في بعض الحلويات , وله عدة إستخدمات مثل :

 

- تغطية الكيك  بأنواعه ., ويعتبر تغطية مثالية للموس شوكلت كيك .

 

- حشوة للتارت

 

- أساس لعمل الترفل عند تبريده

 

- عند التبريد ممكن يوضع في قمع للتزيين ونزين فيه

 

- في النوع الخفيف منه ممكن نخليه دافي ونستخدمه كـ آيس كريم صوص .

 

وغيره من الأشياء .

 

 

طريقة عمله سهله جداً ..

حبيت أحطها بحالها لأني كثير أكتب في وصفاتي ( شوكلت جاناش ) وأنسأل عن الطريقة .

 

فـ بدل ما أرجع أعيدها كل مره ,

بكتبها هنا عشان ترجعون لها .

 

| الطريقة والمقادير مع بعض | :

 

 

أول شي نجيب 200 جم شوكولاته تكون نسبة الكاكاو فيها 60 - 70 % أفضل شي .

في أنواع كثيرة مثل ليندت وغيرها متوفره .

 

نقطعها  لقطع صغيره عشان تذوب بشكل أسرع ونحطها في صحن عميق عشان بعدين نصب عليها الكريمة .

 

 

 

 

ع النار حطيت ثلاثة أرباع كاس كريمة خفق .

إذا كان متوفر كريمة قصيرة الأجل أفضل ..

بس عمرها ماتوفرت لي فأستخدم طويلة الأجل الموجودة دايم بالسوبرماركت .

 

أول ماتغلي نشيلها من ع النار ونضيفها ع الشوكولاته .

ونخليها دقايق عشان الشوكولاته تذوب وبعدين نبدا نحركها بالملعقه لما تذوب تماماً .

 

وبس هذا هو الشوكلت جاناش .

 

طبعاً هنا سويته ثقيل  شوي مثل ما أنتوا شايفين ,

فإذا تبونه خفيف ممكن تقللون من كمية الشوكولاته وتخلونها 150 أو 100 جم .

 

* ملاحظات مهمه :

 

- ممكن في الشوكلت جاناش نحط شوي زبدة مع الكريمة وهي تغلي عشان تعطيه لمعة .

 

- ممكن بعد نضيف شوي من الكورن سيرب عشان نخليه يلمع .

 

- أنا أفضل وأعشق الدارك شوكلت في الجاناش , بس في ناس تحس يبيله سكر , فممكن تضيفون سكر ع الكريمة وهي تغلي عشان يذوب .

 

- ممكن استبدال الدارك شوكلت بشوكولاته بالحليب أو أي نوع آخر لكن هذا بيخفف من الجاناش فالأفضل تزيدون كميته .

 

 

 

 

.

.

 

 

| دجاج بالكاري وجوز الهند |

.

.

 

 

 

 

 

 

 

 

 

 

سهل ولذيييذ جداً ,

 

 

| الطريقة والمقادير مع بعض | :

 

نقطع صدور دجاج لقطع متوسطه .

 

ونحمس بصل أبيض مقطع لشرايح كبيره مع زيت .

ونحط عليه ملح شوي عشان يذبل .

وبعدين نحط فص ثوم مفروم ونقلب دقايق ,

 

 

بعدها نضيف مكعب ماجي ..

ونضيف قطع الدجاج ونقلبها لما ينشف الماي حقها ونضيف كزبرة طازجة مفرومه  ونقلب

 

 

 

 

لما يتحمر الدجاج شوي نضيف الكاري وشوي بهارات مشكلة وفلفل أسودونقلب
ونضيف نص كاس حليب جوز هند ونخليه لما يثقل شوي مثل كذا ,

 

 

 

 

بعدين نضيف ملعقتين كبار من صوص ناندوز اللي هذا نوعه :

 

 

 

 

ونقلب دقايق ونقدمه

 

 

 

 

.
.

 

| Sweet and Sour Pineapple Chicken |

 

 

 

 

 

 

 

 

 

 

 

 

 

 

طعم لذيذ ماتوقعته صراحه ..

وهالطبق أتوقع أسويه أكثر من مره الايام الجايه دام الأناناس متوفر حالياً عندي :p

 

طبعاً هالطريقة لمحبي الأكل الآسيوي اللي فيه الطعم الحلو ..

 

 

| الطريقة والمقادير مع بعض | :

 

 

أول شي نقطع نقطع أناناس طازج ونصب عليه ماي دافي مقدار نص كاس تقريباً  ونغطيه ونخليه بالثلاجه ليلة كامله قبل .

عشان نقدر نستخلص شوي من طعم نافي الماي ونستخدمه في الطبخه .

 

طبعاً ممكن تستخدمون الأناناس المعلب والماي اللي معاه لكن أنا ما أحب هالشي عشان المواد الحافظه

وغير كذا , كان متوفر عندي البديل فليش أستخدمه ؟

 

.
.

 

نجيب فلفل بارد أحمر وأخضر ونقطعهم شرايح طويله

 

نجيب صدور دجاج ونقطعها لمكعبات متوسطة .. بعدين نغمسها في :

 

[ ملعقتين كبيرة طحين | ملعقة كبيره مليانة نشا | بابريكا | فلفل أسود ]

 

مثل كذا :

 

 

 

 

بعدين لما نشيلها نحركها شوي عشان يطيح الطحين الزايد .

ونحطها بصحن ونخليها بالفريز ..

 

 

ونسخن زيت للقلي ع النار ..

ونحط الدجاج فيه لما يتحمر .

 

بعدين نحطه بصحن فيه منديل عشان يمتص الزيت الزايد .

 

 

 

 

الحين نسوي الصوص اللي بنستخدمه ,

عبارة عن :

 

- ربع كاس - أو أقل شوي - خل

 

- ربع كاس صوص سويت آند ساور

 

- ملعقتين كبار صويا صوص - مو الحلوه -

 

- ملعقة صغيره فلفل أحمر مجروش " اختياري "

 

نخلطهم مع بعض ونخليهم في كاس .

 

* هذي صورة صوص سويت آند ساور اللي استخدمه

 

 

 

 

 

بعدين نقطع بصل أبيض لقطع كبيره ونحمسها بشوي زيت بس مانخليه يذبل ,

ونضيف عليه زنجبيل مقطع شرايح والفلفل المقطع شرايح .

 

 

نقلبهم دقايق ,

بعدين نضيف الأناناس مع الماي حقه .

 

ونقلبه دقايق بعدين نضيف قطع الدجاج ونضيف عليها الصوص اللي سويناه ونقلبهم .

بس يسخن ويثقل شوي نطفي النار عنه ونقدمه .

 

 

 

 

 

 

 

 

 

 

.
.

 

 

 

 

| مطعم Trevi |

.

.

 

 

 

مطعم إيطالي ,

مكانه في الواجهة البحرية - الخبر - .

 

بين أب تاون - كاسبر سابقاً - ومطعم فوشي .

 

كنت أتمنى نروح له للغدا , بس روحتنا كانت للفطور .

 

 

المكان جداً راااايق وأعجبني .

بس إنه صغير .. والطاولات قريبة جداً من بعض ,

فإذا كان زحمة أتوقع كل اللي حولكم بيقطون معاكم في السوالف :p

 

 

 

 

 

 

 

 

 

 

 

جابو لنا المنيو العادي عشان فيه ساندوتشات وعصيرات زيادة عن منيو الفطور .

 

بالنسبة لمنيو الفطور .. أول صفحة منه بس على ما أذكر كانت أطباق للفطور :/

 

.
.

 

طلباتنا كانت :

 

 

 

 

تشيز أومليت ,

كانت كبيره صراحه  .. بس اللي ما أعجبني فيها إن نوعية الجبن كانت موزاريلا .. وأنا مو من عشاقة لذيك الدرجة :(

 

فـ هنيئاً لعشاق الموزاريلا بهالنوع :p

 

 

.

.

 

 

 

 

فيجتبل أومليت

ماذقته  بس يقولون زين .

 

طبعاً مايجي مقطع , أختي قطعته :D

 

 

.

.

 

 

 

بصراحه ما أدري وش أسم الطلب ,

لكن كان أول خيار بالمنيو ..

 

عبارة عن :

 

- أومليت

 

- جبن حلوم

 

- خضار

 

- نوع من أنواع اللحوم الباردة مدري وش هو صراحه

 

 

الأومليت كبيره مثل حجم حقتي لكنهم مقدمينها بهالشكل فلا يغركم .

والحلوم يقولون عنها مالحه ,

 

وترى صورت الصحن بعد ما خذوا منه كم قطعه :$

 

 

.
.

 

 

على أساس عصير رمان مثل ماهو مكتوب :/

حسبت بيجي شي طازج ..

 

ما أعجبني .. حااااالي , بس كان يبرد ع القلب .

 

 

.
.

 

 

 

 

 

 

 

كابتشينو

 

على أن كمية القرفة اللي راشينها فوق شوي .. إلا أن ريحتها قوووية ماشاء الله .

 

يقولون زين .

 

 

.
.

 

 

المطعم بشكل عام زين ,

ودي أروح له الصبح عشان أجرب حلوياتهم لأن القعدة فيه أعجبتني .

 

الفطور عن نفسي حسيته عادي ..

لو بجرب مره ثانية بجرب الفجتبل اومليت .

+ بصراحه أشوف ناس تمدح فطوره ..

فاللي أحسه عادي ممكن يكون ممتاز عند غيري .

 

منيو الفطور يبيله تنويع أكثر من كذا ..

أطباقة محدودة جداً .

 

 

الخدمه كانت زينه .. والأسعار ما أذكرها بالضبط بس أطباق الفطور كانت حول الـ 30 للواحد ,

بعضها أقل شوي وبعضها أكثر شوي .

 

فيه قسم عوائل وفيه قسم عزاب ..

العوائل فوق والعزاب تحت ,

 

والمدخل واحد

 

 وهذا حسابهم بتويتر : @treviresturant
 

.
.

 

 

 

| شكشوكة |

.

.

 

 

ومن مايعرفها ؟

لكن لكل شخص طريقته اللي تختلف عن الثاني ,

اللي يخلي البيض شبه مستوي واللي يخليه مستوي كامل واللي يحط بصل .. وما إلى ذلك .

عاد قلت بحط لكم طريقتي .

طبعاً أنا أحب البيض فيها مستوي كامل .

.

.

| الطريقة والمقادير مع بعض | :

الكمية لشخص تقريباً .

أول شي نقشر حبة طماط كبيرة الحجم ونقطعها لقطع صغيره ,

ونحطها ع النار - بدون زيت - ونخليها لما تذبل .

الحين نضيف عليها ربع حبة فلفل بارد مقطع لمكعبات صغيرة .

وشوي كزبره مفرومه - مو كثير -

ونقلبهم دقايق ونضيف ملعقة صغيرة معجون طماط .

ونقلب وبعدين نضيف الزيت ونخليه لما يصير حار
ونضيف حبتين بيض ,
ونذر عليه فلفل أسود وملح وشوي بس بهارات مشكله .

ونقلب دقايق لما يستوي البيض .

ونقدمها مع الخبز .

 

 

 

.

.

 

 

 

| صينية طبقات الباذنجان باللحم المفروم |

 

.
.

 

 

 

 

 

 

بصراحه هالطبخه كنت ناوية أسويها شي ثاني .

بس في كم شغله ماضبطت معاي وأضطريت أستخدم المقادير لين طلعت بهالطبخه .

هي مو شي جديد ,

بس طلبتوها مني وحبيت أنزلها لكم ولو أنها متأخره :$

 

 

| الطريقة والمقادير مع بعض | :

 

حبتين باذنجان كبار نقطعهم لشرايح بالطول , سُمكها متوسط .

ممكن تقلينها بالزيت وممكن تدهنينها بشوي زيت وتحطينها بالفرن

* مع مراعاة تقليبها من الجهتين .

 

أنا عن نفسي قليتهم .

 

بعد مايستوون نخليهم على جنب .

 

ونجيب حبتين بطاطس كبار ونقطعهم شرايح دائرية ونقليهم .

 

طبعاً بعد القلي نحطهم في صحن عليه مناديل عشان يمتص الزيت .

 

بالنسبة للباذنجان حاولي تضغطين عليه عشان يطلع الزيت اللي داخله لأنه يشرب زيت كثير .

 

 

- الحين نجي للحم المفروم :

 

أول شي نحمس بصله مقطعه مكعبات صغيره وفص ثوم مفروم في زيت

ونذر شوي ملح عشان يذبل البصل .

 

بعدها نضيف لحم مفروم ونحركه شوي ونخليه لما ينشف الماي حقه .

على ماينشف ,

نخلط بالخلاط :

- حبتين طماط مقشرة ومقطعة

- ربع حبة - أو أقل شوي - فلفل أخضر بارد

- شوي كزبرة - قد ملعقة تقريباً

- 3 ملاعق طعام معجون طماط

- ملعقتين طعام كاتشب

 

- مكعبين ماجي

لما ينشف الماي من اللحم نضيف عليه بهارات وفلفل أسود ونقلبه دقايق ,

 

ثم نضيف الخلطة اللي خلطناها بالخلاط .

ونقلبه ونخليه لما يتسبك وينشف شوي .

ونخليه على جنب .

 

 

- الحين نسوي الصوص :

 

 نحمس بصله مقطعه مكعبات صغيره وفص ثوم مفروم في زيت

ونذر شوي ملح عشان يذبل البصل .

 

نخلط بالخلاط :

- حبة  طماط مقشرة ومقطعة

- ربع حبة - أو أقل شوي - فلفل أخضر بارد

- شوي كزبرة - قد ملعقة تقريباً

- 3 ملاعق طعام معجون طماط

 

- مكعب  ماجي

 

 

ونضيفهم على البصل .

ونحركهم لما يبدى يتسبّك ,

بعدها نضيف ثلث كاس مائ تقريباً ونحركه لما يبدى يغلي ويثقل شوي .

 

ونشيله من النار

 

.
.

 

الحين نجيب صينية للفرن ,

 

ونصب شوي من الصوص أهم شي يغطي قاع الصينية .

 

بعدها نصف الباذنجان

 

بعدها نحط  اللحم

 

بعدها نحط جبن تشدر وموزاريلا

 

بعدها شوي من الصوص .

 

بعدها البطاطس

 

بعدها الباذنحان

 

بعدها الصوص

 

وع الوجه نحط الجبن .

 

* ممكن تحطون جبن برميزان إن كان متوفر

 

 

ونغطيها وندخلها الفرن مدة نص ساعه .

بعدين نحمرها دقايق بس ,

 

ونقدمها .

 

 

 

.
.