.
.
.
بصراحه هالطبخه كنت ناوية أسويها شي ثاني .
بس في كم شغله ماضبطت معاي وأضطريت أستخدم المقادير لين طلعت بهالطبخه .
هي مو شي جديد ,
بس طلبتوها مني وحبيت أنزلها لكم ولو أنها متأخره :$
| الطريقة والمقادير مع بعض | :
حبتين باذنجان كبار نقطعهم لشرايح بالطول , سُمكها متوسط .
ممكن تقلينها بالزيت وممكن تدهنينها بشوي زيت وتحطينها بالفرن
* مع مراعاة تقليبها من الجهتين .
أنا عن نفسي قليتهم .
بعد مايستوون نخليهم على جنب .
ونجيب حبتين بطاطس كبار ونقطعهم شرايح دائرية ونقليهم .
طبعاً بعد القلي نحطهم في صحن عليه مناديل عشان يمتص الزيت .
بالنسبة للباذنجان حاولي تضغطين عليه عشان يطلع الزيت اللي داخله لأنه يشرب زيت كثير .
- الحين نجي للحم المفروم :
أول شي نحمس
بصله مقطعه مكعبات صغيره وفص ثوم مفروم في زيت
ونذر شوي
ملح عشان يذبل البصل .
بعدها نضيف
لحم مفروم ونحركه شوي ونخليه لما ينشف الماي حقه .
على ماينشف
,
نخلط
بالخلاط :
- حبتين
طماط مقشرة ومقطعة
- ربع حبة -
أو أقل شوي - فلفل أخضر بارد
- شوي كزبرة
- قد ملعقة تقريباً
- 3 ملاعق
طعام معجون طماط
- ملعقتين
طعام كاتشب
- مكعبين
ماجي
لما ينشف
الماي من اللحم نضيف عليه بهارات وفلفل أسود ونقلبه دقايق ,
ثم نضيف
الخلطة اللي خلطناها بالخلاط .
ونقلبه
ونخليه لما يتسبك وينشف شوي .
ونخليه على جنب .
- الحين نسوي الصوص :
نحمس بصله مقطعه مكعبات صغيره وفص ثوم مفروم في زيت
ونذر شوي ملح عشان يذبل البصل .
نخلط بالخلاط :
- حبة طماط مقشرة ومقطعة
- ربع حبة - أو أقل شوي - فلفل أخضر بارد
- شوي كزبرة - قد ملعقة تقريباً
- 3 ملاعق طعام معجون طماط
- مكعب ماجي
ونضيفهم على البصل .
ونحركهم لما يبدى يتسبّك ,
بعدها نضيف ثلث كاس مائ تقريباً ونحركه لما يبدى يغلي ويثقل شوي .
ونشيله من النار
.
.
.
الحين نجيب صينية للفرن ,
ونصب شوي من الصوص أهم شي يغطي قاع الصينية .
بعدها نصف الباذنجان
بعدها نحط اللحم
بعدها نحط جبن تشدر وموزاريلا
بعدها شوي من الصوص .
بعدها البطاطس
بعدها الباذنحان
بعدها الصوص
وع الوجه نحط الجبن .
* ممكن تحطون جبن برميزان إن كان متوفر
ونغطيها وندخلها الفرن مدة نص ساعه .
بعدين نحمرها دقايق بس ,
ونقدمها .
.
.
.
اعجبتني تسلمين
ردحذفمو كانها مسقعه
ردحذفتقريباً بس مع بعض الفروقات مثل الصوص الثاني والجبن .
حذف