| صينية الدجاج مع بطاطس ودجز |

| صينية الدجاج مع بطاطس ودجز |

مس نوال تبي طريقة صينية دجاج وهذي وحده لعيونها ( كيف بس وانا كاشخه فيك يامس ض1 )










| الطريقه والمقادير مع بعض | :

أول شي نجيب صدور دجاج مقطعه مكعبات ونتبلها بـ :
[ ملعقتين كبيره خردل + ملعقتين كبيره صويا صوص + ملعقتين كبيره كاتشب + عصير ليمونه ]
( اذا ماتحبون طعم الخردل واضح حطو ملعقه ) ,

ونخليها تتبل 3 ساعات ,

الحين نجيب بطاطس ودجز ونقليه ..
وعقب نحطه بصحن فيه منديل عشان يمتص الزيت اللي فيه .

نبدى نحمس بصل ابيض مقطع شرايح مع زيت - لين يذبل -
ثم نضيف فص ثوم مفروم ..
ثم الدجاج ,
ونخليه لما ينشف مايه ..
عثب نضيف البهارات - شوي بس -
+ مكعب ماجي ..
ونقلبه ,

بعدين نضيف فلفل ملون مقطع شرايح ونقلبهم دقايق بس
مانبيهم يذبلون مره وتقعد تدورهم لاجيت تاكلهم

الحين خلصنا من الدجاج واللي معه

نقوم نحط البطاطس في صينية للفرن

 



ونضيف الدجاج ع البطاطس في الصينيه ..





ونحط عليه ملعقتين كبيره جبن سايل مخفف بكريمة خفق





ونرش ع الوجه جبن بارميزان ..





وسيدا ع الفرن لما تذوب الجبنه ,

بعدين كانك رايقه لا طلعتيها رشي شوي اوريغانو ..

| شوربة الفطر بالذره |

| شوربة الفطر بالذره |


خذت طريقتها من مليسا وعدلت عليها ..
وحومت كبد أهلي فيها من كثر ماسويتها .







| المقادير والطريقه مع بعض |  :

نجيب حبة بصل ابيض كبيره ونقطعها شرايح طويله ,
ونجيب علبتين فطر طازج
وننظفهم ونقطعهم لشرايح ..
ونجيب علبتين صغيره ذره ونصفيهم من المويه اللي فيهم ,

ونجيب حبة بطاطس متوسطه الحجم ونقشرها ..

.
.

 


الحين نجي لكل شي حبه حبه ..
أول شي نسلق البطاطس ..
ولما تنسلق نحطها بالخلاط مع شوي من موية السلق لما يصير عندنا سائل ثقيل ,
نخليها على جنب لما نكمل باقي شغلنا ..

ع النار نحط ملعقتين كبيره زبده وشوي زيت
ونحط عليه البصل ونحرك لما يذبل ,
نضيف عليه الفطر ونقلب شوي وعقبها نضيف الذره + مكعب ونص ماجي بمرقة الدجاج / ومكعب ماجي بمرقة الخضار / فلفل اسود ..
ونقلب شوي عقبها نضيف 4 كاسات ماي ونخليها لما تغلي ,

غلت .؟

الحين نحط نص الكميه في الخلاط مع البطاطس ..
ونخلطهم ..

عقب مانخلطهم نرجعهم ع النص الأول اللي ما انخلط
ونضيف عليهم علبة صغيره كريمة خفق ..
ونخليها لما تغلي ..


ونقدمها .

| فطر محشي بالدجاج |

| فطر محشي بالدجاج |





| الطريقه والمقادير مع بعض | :


نجيب فطر طازج وونظفه ونفرغه من داخل ..
مثل كذا ,




بعدين نجيب مقلى ونحط عليه ملعقه كبيره زبده وشوي زيت ..
ونضيف له فص ثوم مفروم .


بعدين نشوح الفطر عليه لما يكتسب لون ذهبي خفيف ..
طبعا نراعي ان مانقلبه كثير عشان لايتقطع علينا ويظل شكله
عقب كذا نشيل الفطر ونخليه على جنب ..


ونخلي هالمقلى على جنب باللي فيه ( من زبده وثوم ) مانغسله عشان نسوي صوص الكريمه ,

الحين نبدا بالحشوه :


ع النار نحط زيت .. وبصل أبيض مقطع مكعبات مع رشة ملح .


ونخليه لما يذبل ونضيف عليه صدور دجاج مقطعه مكعبات صغيره ( نكون ناقعينها قبل بعصير ليمونه وشوي ملح وثوم لمدة ساعتين )

ولما تنشف مويتها نضيف لها مكعب ماجي وشوي بهارات وفلفل اسود وملعقه كبيره صوص ورستاشاير

ونضيف عليها شوي كزبره مفرومه + جزر مبشور
ونقلبها دقايق ..

ونخليها على جنب لأن بعدين بنضيف عليها شوي كريمه من اللي بنسويها ,

الحين نجي للكريمه /

نجيب المقلى اللي خليناه على جنب ( اللي فيه زبده وثوم ) ونحطه ع النار
ونضيف له علبه كريمة خفق وشوي فلفل اسود ,

ونقلب شوي ونضيف عليه ملعقه كبيره طحين ..
ونقلب لما ثقل شوي ,

لو ثقلت معاك كثير خففيها بحليب سائل

الحين خلصنا الكريمه .

ناخذ منها ثلاث ملاعق ونضيفها لحشوة الدجاج



الحين نجيب صينيه للفرن ..
ونصب عليها شوي من الكريمه بحيث انها تغطي القاعده بس .


ونجيب حبات الفطر ونصفهم ونحشيهم بالدجاج مثل كذا





نحط شوي من الكريمه بعد في الوجه




بعدين نرش عليها جبن
انا استخدمت قشقوان وبارميزان مبشور

 



وندخلها الفرن شوي بس لما تذوب الجبنه






ونرش عليها اوريغانو
ونقدمها .

| سلطة الفطر المقلي |

| سلطة الفطر المقلي |





| الطريقه والمقادير مع بعض | :

نجيب الفطر الطازج بعد ماننظفه ونغمسه في ( حليب سائل مخلوط بطحين لما يصير عندنا خليط ثقيل )
ممكن تستبدلونه بالبيض بس ماكان عندي وقتها

عقب نغمسه في هالخلطه :

خلطة البروست ( من كنور )
بابريكا
فلفل اسود
ونحطه في الفريز شوي ..

.
.

الحين نحط زيت للقلي على النار
ونحط الفطر فيه
بس يصير لونه ذهبي نشيله ونحطه في صحن عليه منديل عشان يمتص باقي الزيت ,



الحين نقطع شوي فلفل ملون لمكعبات صغيره ..
ونجيب خس ونقطعه ( استخدمت خس صيني )


ونحط عليهم هالخلطه :
( ملعقه كبيره صوص ايطالي + عصير نص ليمونه + فلفل اسود + ملح )



ونحطهم بصحن ,

ونضيف عليهم حبات الفطر المقلي
ونصب فوقهم شوي صوص رانش .

ونقدمها ..








* اللي مايستسيغ طعم الفطر الطازح ممكن ماتعجبه .

| صينية الخضار |

| صينية الخضار |






هذي امي مسويتها الله يعطيها العافيه .
انا قليت الباذنجان عن خاطري بس :$

تقول خذت الطريقه من النت وعدلت عليها ..
عاد وش الأصليه ما ادري

| الطريقه والمقادير مع بعض | :

نقطع [ باذنجان | جزر | كوسا ] لشرايح بشكل نصف دائري .

ونقطع البطاطس لمكعبات متوسطه

ونقليهم ,
لما يستوون نحطهم على صحن في منديل عشان يمتص الزيت .


الحين نحمس بصل مقطع شرايح مع زيت ونرش عليه شوي ملح .

ونخلط بالخلاط :
[ طماطتين مقشره + ربع حبة فلفل بارد + شوي كزبره طازجه ]

عقب ماينخلطون وينطحنون نضيفهم على البصل
ونضيف عليهم :
مكعب ماجي وملعقتين كبار معجون طماط وشوي فلفل اسود

ونقلب لما يستبك .
الحين نضيف ربع كاس ماي ونقلب لما يغلي .


الحين نجيب صينية الفرت ونحط عليها شوي من هالخلطه ( يادوب تغطي قاع الصينيه بس )
ونصف الباذنجان وباقي الخضار فوقه .

ونصب باقي الخلطه على الخضار .

الحين نخلط [ علبة قشطة - مثل التاج - + ملعقه كبيره جبن سايل + ملعقه كبيره مايونيز ]

ونصبهم من فوق ونرش جبن موزاريلا ع الوه وندخله الفرن ثلث ساعه تقريبا .


لما تستوي نخليها تبرد شوي - مو بالثلاجه -
ونقدمها .












أي استفسار أنا بالخدمه =)

| ديب الأفوكادو مع الربيان المشوي |

| ديب الأفوكادو مع الربيان المشوي |














حطيت معها خس وطماط عشان تصير سلطة مره وحده للي يبي .الطريقه والمقادير :

بالنسبه للربيان منظف ومقشر بس مخلين الذيل .
نتبله لمدة نص ساعه بـ :
[ ملعقه كبيره عسل + ملعقه كبيره صلصة طماط + ملعقه كبيره خردل + عصير نص ليمونه + ملح وفلفل اسود ]

ونشويها ع الشوايه
أو بالفرن ,





بالنسبه للأفوكادو
نقطعها بالنص ونشيل اللب منها ونفرغها ..

نخلط اللي فرغناه بالخلاط مع :
[ ملعقه كبيره مايونيز + ملعقه كبيره ونص صوص فرنسي + عصير نص ليمونه + فلفل اسود وملح ]

ممكن تزيدون وتنقصون بالمقادير لين توصلون للطعم اللي تبونه .
بس الأفضل ماتكثرون مايونيز لأن الفوكادو دسم .

ونقدمها

| Chocolate Truffles |

| Chocolate Truffles |

الأساس فيها كريمة خفق + دارك شوكلت . - على مالاحظت يعني -

لقيت اكثر من طريقه ,

اللي يخلي كمية الشوكلاته أكثر من الكريمه واللي يخليها متساويه ..

أنا عن نفسي أحط الشوكولاته دبل كمية الكريمه أو اكثر منها بشوي .

طبعاً من المهم تختارين نوع شوكلاته ممتاز .
الطريقه والمقادير مع بعض :

علبة كريمة خفق ,
نغليها ع النار ..
أول ماتغلي نرفعها عن النار ونضيف عليها دارك شوكلت بضعف كمية الكريمه ,
- يعني نفرض ان الكريمه كانت 200 جرام .. نحط 400 جرام شوكولاته أو 300 جرام لو حابه -
ونكون مقطعين الشوكولاته قبل لانضيفها لقطع صغيره عشان تذوب أسرع ,

أنا أضيف ملعقة كبيره سكر بودره ومرات ملعقتين ..
حسب المزاج والطعم اللي تبينه .

بالغالب مايحطون .

وبعدين لما يتجانس الخليط عندنا نحطه بالثلاجه لما يصير متماسك تماماً
الأفضل تخلينه يوم كامل عشان لايحوسك . - عن تجربه -

بعدين نبدى ناخذه ونكوره ونحطه في بودرة كاكاو .

وبس .

بالنسبة للتقديم حبيت أقدمه بقوالب شوكولاته ..

اللي هي :

نذوب شوكولاته بيضا ونلونها بملون طعام باللون اللي نبي .

وندهن ورق الميني كب كيك فيه ( النوع اللي لونه بني كانكم تعرفونه افضل شي لأنه يسهل علينا مرحلة فصل الشوكولاته اذا جمدت )

وندخلها الفريز تجمد وبعدين ندهنا بطبقة ثانيه عشان تصير سميكه وماتتكسر معانا
وندخلها الفريز .
لما تجمد نطلعها ونفصلها عن الورق ونقدم الشوكلت فيها ,

وممكن نزينها بنعناع ,


















أي استفسار أنا بالخدمه .

| Bird |

| typography |


هو فن التشكيل بواسطة الحروف .
ويعتمد فيه المصمم على استخدام الحروف في محاولة لإخراج لوحة فنية معبرة وبسيطة في الوقت ذاته ,


وهذي أول تجربه لي في هذا الفن .
اخذت من وقتي 7 ساعات متواصله ,















أكيد فيه عيوب كونها أول محاوله .
وان شاء الله نتطور مستقبلاً .

| سلطة الدجاج |

| سلطة الدجاج |

الطريقه والمقادير مع بعض :

صدور دجاج مقطعه مكعبات صغيره ,
نحمسها مع شوري ثوم مفروم لما يتحمر نحط عليه فلفل اسود وملح

ونضيف عليه هالصوص - نكون خالطينه كله مع بعض من قبل - :
عباره عن /
ملعقه كبيره من : [ عسل / خردل / صلصه طماط ] + عصير نص ليمونه + ملعقه صغيره صوص صويا .





ونقلبه دقايق لما يثقل ,
ونخليه يبرد شوي ..

الحين نجهز الخضار اللي نبيها :

حطيت ذره صغيره + خس + طماط صغير - شيري توميتو -

ونحط عليها صوص سلطة عادي :
زيت زيتون + عصير ليمون + ملح + فلفل اسود .
أو ممكن تحطين الصوص اللي يعجبك وتحسينه مناسب .

بعدين نحط عليها الدجاج ,
ونقدمها