| شوربة الفطر بالذره |
خذت طريقتها من مليسا وعدلت عليها ..
وحومت كبد أهلي فيها من كثر ماسويتها .
| المقادير والطريقه مع بعض | :
نجيب حبة بصل ابيض كبيره ونقطعها شرايح طويله ,
ونجيب علبتين فطر طازج
وننظفهم ونقطعهم لشرايح ..
ونجيب علبتين صغيره ذره ونصفيهم من المويه اللي فيهم ,
ونجيب حبة بطاطس متوسطه الحجم ونقشرها ..
.
.
الحين نجي لكل شي حبه حبه ..
أول شي نسلق البطاطس ..
ولما تنسلق نحطها بالخلاط مع شوي من موية السلق لما يصير عندنا سائل ثقيل ,
نخليها على جنب لما نكمل باقي شغلنا ..
ع النار نحط ملعقتين كبيره زبده وشوي زيت
ونحط عليه البصل ونحرك لما يذبل ,
نضيف عليه الفطر ونقلب شوي وعقبها نضيف الذره + مكعب ونص ماجي بمرقة الدجاج / ومكعب ماجي بمرقة الخضار / فلفل اسود ..
ونقلب شوي عقبها نضيف 4 كاسات ماي ونخليها لما تغلي ,
غلت .؟
الحين نحط نص الكميه في الخلاط مع البطاطس ..
ونخلطهم ..
عقب مانخلطهم نرجعهم ع النص الأول اللي ما انخلط
ونضيف عليهم علبة صغيره كريمة خفق ..
ونخليها لما تغلي ..
ونقدمها .
ياحبيلك والله فكيتي أزمه ابوي مشتهي شوربه وان شاء الله بطبق شوربتك
ردحذفاي صح أمي جنبي وريتها الشوربه قلت بسوي لكم هذي قالت كان شكلها ماراح يصير زي هذي لاتسوين ههههههههه
عساك ع القوه حبيبتي
ههههههههههههههه
ردحذفسلمي على امك وقولي لها اهم شي الطعم ,
دام ابوك راعي شوربات اصبري بكرا بس بنزل لك كم شوربه عشان تكشخين فيها خخخخ
لا جربتيها عطيني رايك :$ + لو تطقين لها صوره مابقول لا :$