| Chocolate Truffles |

| Chocolate Truffles |

الأساس فيها كريمة خفق + دارك شوكلت . - على مالاحظت يعني -

لقيت اكثر من طريقه ,

اللي يخلي كمية الشوكلاته أكثر من الكريمه واللي يخليها متساويه ..

أنا عن نفسي أحط الشوكولاته دبل كمية الكريمه أو اكثر منها بشوي .

طبعاً من المهم تختارين نوع شوكلاته ممتاز .
الطريقه والمقادير مع بعض :

علبة كريمة خفق ,
نغليها ع النار ..
أول ماتغلي نرفعها عن النار ونضيف عليها دارك شوكلت بضعف كمية الكريمه ,
- يعني نفرض ان الكريمه كانت 200 جرام .. نحط 400 جرام شوكولاته أو 300 جرام لو حابه -
ونكون مقطعين الشوكولاته قبل لانضيفها لقطع صغيره عشان تذوب أسرع ,

أنا أضيف ملعقة كبيره سكر بودره ومرات ملعقتين ..
حسب المزاج والطعم اللي تبينه .

بالغالب مايحطون .

وبعدين لما يتجانس الخليط عندنا نحطه بالثلاجه لما يصير متماسك تماماً
الأفضل تخلينه يوم كامل عشان لايحوسك . - عن تجربه -

بعدين نبدى ناخذه ونكوره ونحطه في بودرة كاكاو .

وبس .

بالنسبة للتقديم حبيت أقدمه بقوالب شوكولاته ..

اللي هي :

نذوب شوكولاته بيضا ونلونها بملون طعام باللون اللي نبي .

وندهن ورق الميني كب كيك فيه ( النوع اللي لونه بني كانكم تعرفونه افضل شي لأنه يسهل علينا مرحلة فصل الشوكولاته اذا جمدت )

وندخلها الفريز تجمد وبعدين ندهنا بطبقة ثانيه عشان تصير سميكه وماتتكسر معانا
وندخلها الفريز .
لما تجمد نطلعها ونفصلها عن الورق ونقدم الشوكلت فيها ,

وممكن نزينها بنعناع ,


















أي استفسار أنا بالخدمه .