هذي امي الله يحفظها سوتها لي .
مثل فكرة الدجاج بالجبن .. لأني احبه سوت لي مكرونه تشبهه :$
الله يطول بعمرك يا يمه ويخليك لي .
ومن يومها كل ماجعنا صرنا نسويها :D
ميزتها انها سهله ولذيذه
| الطريقه والمقادير مع بعض | :
نسلق مكرونه
- سلقنا هنا نص علبه علبة بس والمقادير الباقيه بتكون على اساس انها لنص علبة مكرونه -
الحين في قدر نحمس بصل مقطع مكعبات
وفص ثوم مفروم ..
ونرش ملح شوي عشان يذبل البصل
الحين نخلط بالخلاط :
4 حبات جبن كيري + نص علبة معجون طماط + نص كاس ماي + ومكعب ماجي .
ونضيفهم ع البصل والثوم ونحرك لما يتسبك
الحين نضيف عليهم المكرونه المسلوقه - بعد مانشخلها طبعاً -
ونقلبها .
ونضيف عليها نص كاس كريمة خفق .
ونخليها لما تتسبك .
ونقدمها .. - مرات نرش عليها جبن شدر مبشور .. هنا حطينا بس ذاب -
الاكله سهله ومع جبن الكيري اعطاها نكهه مميزه
ردحذفالله يحفظ امك ويخليها لكم
اثير عبدالله
صراحه جربتها وفعلا لذييييذه..تسلم ايديك يااارب
ردحذفانا سويتها بطريقة حلم من منتدى اقلاع
ردحذفوكانت المكونات مص هالمقادير تقريبا .. جدا لذييييييييذة
بس المره الجاية ان شاءالله مو حاطه ماجي لاني حطيت خلطة كنور البديل للماجي
وماعجبتني ..
بسويها ودعيلك رد متأخر ههههه الله يوفقك ويفرج همك
ردحذفمررره يمي ماشالله بس عادي لو استغني عن كريمه الخفق !!!!
ردحذفمره لذيذه وصرت كل ما جعت سويتها تسلم يدك ويد مامتك
ردحذفزاكيه😚😘😙بتشهي
ردحذفانا بجربها اليوووم وانشالله تطلع طيبه
ردحذفربي يحفظ لك امك ولكل المسلمين