| سمك بالخلطة المكسيكيه |

.
.

زهقت من الأشياء التقليديه ,

شيء جميل انك تغامر وتسوي شغلات ماكنت تتوقع بيوم تاكلها .. وتعجبك

هالطبخه ممكن تستغربون مكوناتها .. لكن انصحكم تجربونها , مزيج غريب لكن حلو .

اصلاً يوم سويتها اهلي قعدوا يطالعوني بنص عين .. لكن بالنهايه كلوها وعجبتهم

مع ان البعض شال الخلطه اللي فوق بس اهم شي اعجبهم وماسمعت جملة : انتي بس تلعبين بالنعمه  هههههه

.
.

| الطريقة والمقادير مع بعض | :

تتبيلة السمك :

ملعقه صغيره فلفل اسود

ملعقتين صغيره بابريكا

ملعقتين صغيره ثوم بودره

ملح - الكميه اللي تحبونها -

ملعقه صغيره من الاعشاب المجففه اللي متوفره عندكم - انا حطيت شوي بقدونس مفروم وشوي اكليل الجبل - ممكن تستغنون عنه .

نص ملعقه صغيره سكر

رشة فلفل حار مجفف - ممكن الاستغناء عنه -

نحركهم مع بعض .

نجيب فيليه السمك  - استخدمت هامور - وننشفه زين ونحط تشيكلة البهارات هذي عليه من الجهتين وع الاطراف بعد .

ونخليه على مانجهز الخلطه اللي فوقه ,

* طبعا كمية البهارات اللي بهرت السمك فيها تكفي لقطعة فيليه مثل اللي بالصوره فكل ما كانت القطعه أكبر زيدوا الكميه =)

الخلطه اللي بنحطها فوق السمك عبارة عن :

تفاح اخضر مقطع مكعبات

فلفل أحمر بارد - فليفله - مقطع مكعبات 

بصل أبيض مقطع مكعبات

منقا مقطعه مكعبات

االمكعبات قرب للصغيره منها للمتوسطه , بس مو صغيره مره .!

نحط عليه عصير نص ليمونه وملعقة زيت زيتون ونقلبهم ونغطيهم ونخليهم بالثلاجه .

عشان الليمون يتنكّه بالخضار والفواكه

الحين نجيب قدر أو مقلى غير قابل للالتصاق .

ونحط عليه ملعقة زبده وشوي زيت .

ولما تحمى شوي تحط السمك عليه , ونغطيه .

وبعدين نشوف اذا تحمرت الجهه  اللي ع الزبده نقلب السمك للجهة الثانيه ونغطيه .

ونخليه على نار متوسطه لما يستوي , مايطول .

ونحطه بصحن التقديم ونصب فوقه الخلطه اللي حطيناها بالثلاجه

.
.