| تفاح بحشوة الجبن |

.
.

 

هالشي لذييييييييييذ وسهل جداً ..

من محاولاتي للقصه على نفسي عشان اكل التفاح :p ,

وهالشي صدق خلاني احب التفاح هههههه

هو نفس فكرة التشيز كيك بس بدون كيك .. يعني نستبدل طبقة الكيك أو البسكوت بـ تفاح .

وينطبخ ويصير ذايب معاه ويعطيه نكهه حلوه .

* هالشي حطيناه عشان خاطر الاخت أنوار :p

.
.

| الطريقه والمقادير مع بعض | :

أول نسوي حشوة الجبن :

عباره عن 12 حبة جبن كيري .

بيضتين

ثلث كاس سكر - أو اقل لأنها طلعت حاليه شوووي بالنسبه لي -

رشة فانيلا

نخلطهم بالخلاط .

ونخليهم لما نجهز التفاح .

الحين نجيب التفاح

ونقسم التفاحه لنصفين بالعرض .

ونفرغهم عشان نصب حشوة الجبن فيه - طبعاً نخلي القاعده سميكه شوي -

بعد ما نفرغ التفاح ,

نصب خليط الجبن فيه ونحطهم بصينيه للفرن وندخلها الفرن 20  إلى 25 دقيقه تقريباً .

ونطلعها ونخليها نص ساعه تقريباً برا .

بعدين ندخلها الثلاجه ساعتين .

وبعدين عند التقديم نسوي هالكريمه ,

عباره عن :

علبة صغيره كريمة خفق نخفقها مع ملعقه طعام سكر بودره  - نخلي السرعه بطيئه اول دقيقه بعدين نخليها عاليه جداً - .

وبعد ماتنخفق وتصير كريمه القوام نضيف ملعقة طعام جبن فيلادلفيا .

ونخفق لما تتمازج .

ونزين فيها ,

ونرش قرفه مطحونه .

ونقدمها

- قدمتها مع فطيرة التفاح -

.
.