.
.
.
قد حطيت وحده شبيهه لها من قبل ,
بس حطيتها عشان انطلب مني طريقة شي مافيه لا كاتشب ولا صوص صويا وماسويت هالفتره الا هالباستا قلت احطها =)
- ها أنوار كذا تمام هههه ؟ -
| الطريقة والمقادير مع بعض | :
أول شي نحمس بصله كبيره مقطعه لمكعبات صغيره مع زيت .
ونرش شوي ملح عشان يذبل البصل .
لما يذبل نضيف فص ثوم مفروم ونقلب ثواني .
بعدها نضيف اللحم المفروم .
ونحركه شوي ,
ونخليه لما ينشف الماي حقه ,
على ماينشف .. نخلط بالخلاط :
[ حبتين طماط كبار مقشره + مكعبين ماجي + ربع حبة فلفل بارد + كزبره - كميتها تكون بحجم قبضة اليد تقريباً - + ملعقة طعام معجون طماط ]
لما ينشف ماي اللحم نرش عليه بهارات وفلفل اسود ونقلبه .
بعدها نضيف الخليط اللي خلطناه بالخلاط .
ونخليه لما يتسبك .
الحين ,
بالخلاط نحط : [ 6 حبات جبن كيري + كاس ماي + علبة صغيره كريمه خفق + علبة معجون طماط ]
ونكون بعد سالقين مكرونه ومصفينها .
نضيف المكرونه ع اللحم ونضيف عليهم خليط الجبن .
ونحركهم لما يتمازجون .
ونخليها دقايق تتسبك .
ونقدمها .
- رشيت عليها جبن بارميزان مبشور وشوية بقدونس مفروم -
.
.
ليست هناك تعليقات:
إرسال تعليق