| Spinach and Artichoke Dip |

| ديب السبانخ والخرشوف |

لا يغركم الشكل , الطعم لذييييذ ..

| الطريقة والمقادير مع بعض | :

ع النار نحمس حبة متوسطة بصل أبيض مقطع لمكعبات صغيره , مع الزيت ..

ونحط ملح عليه عشان يذبل .

بعدها نضيف عليه سبانخ - أنا استخدمت كيس صغير من السبانخ المجمده - .

ونحركها لما تسخن , بعدين نضيف عليها خرشوف - معلب - مقطع لمكعبات صغيره .

بالنسبة للخرشوف أنا حطيت بس قطعتين  - مقطعتهم لمكعبات -

طبعاً بتلقون بالسوبرماركت نوعين من الخرشوف الملعب ..

لأنهم يفصلون قطعة الخرشوف : يفصلون القمة أو الرأس أعتقد عن الباقي , ويعلبون كل جزء بحالة .

أنا أخذت الكعب اللي على شكل رأس  حبة الفطر , زبدة الموضوع خذوا اللي مكتوب عليها ( خرشوف - كعب ) :$

هذي صورته من النت :

بعد ما نقلب الخرشوف معهم نرش فلفل أسود ونقلب ,

بعدين نضيف ملعقه كبيره مليانه جبن سائل ونقلبهم لما تتجانس ثم نصب عليهم علبه صغيره من كريمة الخفق .

لما تغلي نضيف جبن شدر + موزاريلا .. مبشورين طبعاً .. بالكمية اللي تحبون .

طبعاً بأمكانكم تزيدون وتنقصون بالشكل اللي تحبونه لين توصلون للطعم اللي ترغبون فيه =)

ونقدمه مع التوست المحمص بالثوم .