.
.
.
لذيذ جداً .. يستاهل يتسوى أكثر من مره
| الطريقة والمقادير مع بعض | :
أول شي نحمس بصله مقطعه مكعبات صغيره وفص ثوم مفروم في زيت
ونذر شوي ملح عشان يذبل البصل .
بعدها نضيف لحم مفروم - نص كيلو - ونحركه شوي ونخليه لما ينشف الماي حقه .
على ماينشف ,
نخلط بالخلاط :
- حبتين طماط مقشرة ومقطعة
- ربع حبة - أو أقل شوي - فلفل أخضر بارد
- شوي كزبرة - قد ملعقة تقريباً
- 3 ملاعق طعام معجون طماط
- ملعقتين طعام كاتشب
- مكعبين ماجي
لما ينشف الماي من اللحم نضيف عليه بهارات وفلفل أسود ونقلبه دقايق ,
ثم نضيف الخلطة اللي خلطناها بالخلاط .
* بالنسبة للبهارات يستخدمون بهار التاكو , لكن أنا حطيت البهار العادي
* بالنسبة للبهارات يستخدمون بهار التاكو , لكن أنا حطيت البهار العادي
ونقلبه ونخليه لما يتسبك وينشف شوي .
في هالوقت نقلي البطاطس ونحطه على صحن فيه منديل عشان يمتصل الزيت الزايد .
بعدها نحط عليه شوي ملح ونحطه بصحن التقديم ونحط عليه اللحم ونرش عليه جبن موزاريلا وشدر مبشورين ونحط قطع هلابينو .
هنا أنا أضفت صوص الشدر الجاهزه , هذي صورتها :
ونقدمه :
.
.
تسلم ايديك با قميل بس لو ما عليك أمر تقوليلي بايش اقدر استبدل الصوص لانه مو متوفر عندي
ردحذفيم يم شكلها لذيذ بس وين أحصل هالصوص
ردحذفتسلم يداتك ياقمر
ردحذفماشاءالله شكله لذيذ حدا ، بالعافيه عليج
ردحذفتسلمين ياقلبي ❤❤
ردحذفبس وين احصل الصوص؟! دورته كثثير
عمتم مساااااء روعه جربتها تسلمي يااااقلبي وانتظر المزيد من ابداعك
ردحذف