| باي الـ تشيز كيك |

| باي الـ تشيز كيك |













| الطريقه والمقادير مع بعض | :

نسوي عجينة الباي :[ كاس طحين + اصبع زبدة بدرجة حرارة الغرفه + 3 حبات جبن كيري + 3 ملاعق كبيره سكر بودره ]

ونغطيها وندخلها الثلاجه نص ساعه ع الأقل .

الحين نجيبها ونحطها بصينية الكب كيك ( تكون حجم القوالب متوسطه )
ونشكلها على شكل القالب بحيث انها تكون مجوفه ( يعني العجينه تغطي القاعده والأطراف بس )
ونسوي فيها شوية ثقوب بالشوكه على خفيف
ونحط فوقها ورق الكب كيك ونحط فوقه أي شي ينفع كثقل فوقها ( حبوب فاصوليا / عدس )
أي شي بما انه ماراح ناكله يعني :$
وندخلها الفرن لما تستوي ونطلعها ,

على ماتستوي نكون مجهزين خلطة التشيز ..

نجيب علبتين جبن فيلادلفيا – العلبه اللي فيها 300 جرام –
يعني المجموع 600 جرام
ونخلطها بيدنا بالخلاط اليدوي شوي شوي بس تلين ونضيف عليها 3 حبات بيض وفانيلا شوي
ونخلطها ونضيف عليها نص علبة زبادي ونص كاس سكر
ونخلط شوي شوي لما نحس ان الخليط صار متجانس

الحين عقب ماستوت عجينة الباي نضيف عليها خلطة التشيز وندخل الصينيه في صينيه اكبر منها في ماي عشان نسوي حمام مائي ,
وندخلها الفرن على حرارة 350 درجه – مشغل مسبقاً-

ونخليها بالفرن لما تستوي - عشان حجمها مو كبير خذت معي تقريبا نص ساعه -
+ نعرف انها مستوي لما نضغط عليها بالوسط على خفيف ونحسها جامده .

لما توصل لهالمرحله نسكر الفرن ونفتحه دقيقه ونرجع نقفل الباب ونخليها تكمل طبخ
- خذت معاي نص ساعه بعد لأن القوالب متوسطه -


الحين نطلعها ونخليها بالثلاجه ..
انا اخليها يوم كامل افضل .
وزينيها باللي تحبين .

هنا زينتها بكريمه وفراوله وكريمه وشيره :

















وهنا قلبتها وزينتها :









( تكسرت شوي =( )





وهنا سويت جاناش شوكلت وقلبتها وغطيتها فيه وزينتها بكريمه وكاكاو :