.
.
.
| الطريقه والمقادير مع بعض | :
للقاعدة :
نطحن بسكوت - طحنت دايجستف -
ونضيف عليه زبدة مذوبه .
* ذوبي إصبع زبده وأضيفي نص المقدار على البسكوت وحركيه ,
إذا كان الخليط متماسك حلو , لو لا زيدي عليه من الزبدة لين يوصل لهالقوام :
بعد كذا جيبي صينية التشيز كيك وحطي الخليط بالقاعده وإضغطي عليها لين يصير مثل كذا :
وندخله الفرن 5-10 دقايق ونطلعه .
.
.
الحين نحضر خلطة التشيز ,
نجيب مقدار 600 جرام جبن فيلادلفيا ( يعني علبتين من اللي فيهم 300 جرام )
ونحركه بملعقة لما ينخلطون مع بعض .
الحين نضيف عليه نص علبة زبادي ونحركه شوي شوي لما يتجانس .
بعدها نضيف 3 حبات بيض .
نضيف حبه ونحرك وبعدين الثانيه وكذا ..
بعدين نضيف الفانيلا - تقريباً ملعقة صغيره - ,
أنا عن نفسي أخلط كل بيضه مع شوي فانيلا بعدين أضيفها على خليط الجبن .
ونحرك .. ونضيف عليها سكر مقدار 3/2 كأس .
لو تحبين حلاها أقل ضيفي نص كاس .
ونحركه بالملعقه لما نحس إن السكر ذاب ,
ويصير قوامها كذا :
الحين نصب الخليط في صينية التشيز كيك على طبقة البسكوت ونساوي السطح ,
ونغلفها من برا بقصدير عشان لما نسوي لها حمام مائي مايدخل الماي لداخل .
الحين نجيب صينية فرن أكبر من صينية التشيز كيك ونصب فيها ماي مغلي .
ونحط صينية التشيز كيك داخلها مثل كذا :
وندخلهم فرن مشغل مسبقاً على درجة حرارة 360 .
ونخليها لما تستوي .. نعرف هالشي لما نلمس السطح ونحسه متماسك وتكون فيه طبقه عازلة سميكه .
خذت معاي ساعه تقريباً .. يختلف هالشي حسب الفرن والكميه وحجم الصينية .
بعد كذا نسكر الفرن ونخلي الصينية داخل مانطلعها تقريباً نص ساعه ,
تكمل سوا , وتبرد على مهل .
لأن لو طلعتيها برا تبرد ممكن تتشقق ,
فخليها تبرد على مهل مع الفرن .
وبعدها دخليها الثلاجه .. الأفضل تقعد وقت طويل بالثلاجة .
سويتها الفجر عشان تاخذ وقتها بالثلاجه لين الليل .
بعد ما تاخذ وقتها بالثلاجه نقطع الفراوله للتزيين + نسوي صوص الفراوله .
صوص الفراوله سهل جداً وماياخذ وقت :
نخلط :
- نص كاس ماء
- 5 ملاعق كبيره مليانه مربى فراوله
- ملعقة صغيره نشا
- قطرات من ملون طعام أحمر - اختياري -
ونحطهم على النار لما يثقلون شوي بس .
نصب الصوص على التشيز كيك ونصف الفراوله المقطعه عليه .
أنا عن نفسي ماصبيته فوق التشيز كيك لأن مو الكل يرغب فيه .
فصبيته بصحن التقديم وحطيت قطعة التشيز كيك فوقه مثل كذا :
.
.
.
ماشاءالله رائع! و شكله يممم! بس بغيت اسال (زبادي) حليب ام روب/لبن؟
ردحذفزبادي , وممكن تستبدلينه بالساور كريم
حذفمشاء الله تسلم اناملك .. بس حبيت أسالك السكر كاسين الى ثلاثه او فقط ثلثين ؟!
ردحذفلا ثلثين , وممكن تخلينهم نص كاس لو مو حابه تكون حالية شوي .
حذف+ لا تسوينها من غير الصوص .. لأن طعمها بدون يفرق كثيييييييير .
تبارك الله على هالانامل
ردحذفالله يحفظك
آمين يارب ومن قال ,
حذفتسلمين
ماشاد الله شكله مرة لذيذ، هذي صينية التشيز كيك العادية والا صينية الميني تشيز كيك؟
ردحذفماشاء الله مرة لذيذ، هذي صينية التشيز كيك العادية والا صينية الميني تشيز كيك؟
ردحذفلا صينية التشيز كيك العادية بس الحجم الصغير .. مو الميني لا :/
حذفواااااو
ردحذفمشهية لأبعد حدددد