| محشي الكوسا |

.

.

من الأكلات اللي أحبها ..

حطيت الطريقة بالتفصيل بس للأسف من غير صور , لأن أمي اللي سوته وما كنت موجوده بالمطبخ :(

المره الجايه إذا سويته بصور الخطوات إن شاء الله .

| الطريقه والمقادير مع بعض | :

أول شي نجيب الكوسا ,

ونحكها شوي بالسكين من برا .. مانقشرها .!

بعدين نقطعها من الراس - ونحتفظ فيه - ونفرغها لين نوصل للقاع  تقريباً.

الحين نسوي الحشوه .

عباره عن :

كاس ونص رز مصري منقوع في ماء لمدة ساعه .

بيالة زيت زيتون .
شوية نعناع مفروم
حزمة بقدونس مفرومه
3 طماطات مقطعه قطع صغيره مره .
بصله مفرومه 

فلفل اسود
مكعبين ماجي - نفرمهم عشان نخلطون مع باقي المقادير -
عصير ليمونتين - أو ليمونه ونص إن كان عصيرها كثير - .

نقلب هالمقادير مع بعض ونحشي فيهم الكوسا ونحاول نضغط الحشو بداخل الكوسا واحنا نحشي عشان مايطلع لبرا بعدين .

الحين نجيب راس الكوسا اللي قطعناه ونحاول نقطع منه جزء لين يصير حجم الراس يمديه يدخل في الفتحه عشان نغطي الكوسا فيه  ومايطلع الحشو منها .

الحين نسوي الصلصه :

في قدر كبير  نحمس في الزيت حبة بصل كبيره مقطعه لشرايح طويله مع طماطتين مقطعه مكعبات

لين يذبلون  ونحط عليها فلفل أسود .

الحين نجيب الكوسا ونصفها فوق البصل والطماط .

بعدين ذوب علبه معجون طماط في ماي ونصبه مع عصير ليمونتين وتقريباً بيالة زيت زيتون على الكوسا .

نصبه شوي شوي مو مره وحده وبعدها نبدا نصب ماي شوي شوي لين يغطي الكوسا ونضيف مكعبين ماجي .

ونخليهم على نار عاليه لما يبدا يغلي وبعدين نخليها متوسطه لين تنطبخ الكوسا .. تاخذ تقريباً ساعه .

ونقدمها