.
.
.
حلى إيطالي ,
تقدرون تقولون عنه مهلبية الطليان :p
طعمه قريب جداً للمهلبية بس انه متماسك أكثر منها بسبب وجود الجيلاتين .
طبعاً بحط الطريقة الأصلية وأنتوا ممكن تبدعون بالنكهات اللي ممكن تضيفونها عليه .
تغيير عن المهلبية .
| الطريقة والمقادير مع بعض | :
أول شي هذا الحلى بعتمد على الكريمه .. لذلك هو دسم .
أول مره سويته حسيته دسم جداً فقللت من كمية الكريمه واستبدلت الجزء اللي قللته منها بحليب طازج .
أول شي ناخذ ربع كاس ماي فاتر - يعني عادي لا هو بارد ولا حار - ونضيف عليه ظرف جيلاتين .
ع النار نحط ثلاثة أرباع كاس كريمة خفق وكاس وربع حليب طازج
- ممكن تحطون طاس كريمه وكاس حليب -
وتضيفون عليه ثلاثة أرباع كاس سكر وملعقه صغيره فانيلا .
وتخلونه لما يبدى يغلي .. أول مايغلي تشيلونه من ع النار .
ونحركه الجيلاتين مع الماي ونضيفه ع الكريمه ونحرك بالملعقه لما ينخلطون مع بعض .
الحين نصبها في قوالب ونحطها بالثلاجه يوم كامل .
بعد ما تاخذ يوم كامل بالثلاجة نسوي صوص الفراوله .
نقطع فراولة ونحطها في قدر ونضيف عليها سكر ونحركها ونخليها على نار متوسطه لما تبدى تطلع الماي اللي فيها وتطبخ .
نسكر عنها وتخليها تبرد سوي ونخلطها بالخلاط .
بعدين نصفي الخليط من البذور .
ونخليها تبرد لحد وقت التقديم ..
وقت التقديم لو كنتب يتبين تقلبين البانا كوتا حاولي تحركين السكين ع الأطراف وبعدين حطي غمسي القالب لمدة 10 ثواني بس في ماي دافي واقلبيه .
لا تطولين تراها تذوب بسرعه .
وقدميها مع الصوص .
ملاحظه مهمه :
اذا بتسوين الصوص معاها الأفضل تقللين كمية السكر في البانا كوتّا لأن الصوص حالي وهي حاليه :)
مشكورة على الطريقة
ردحذف