.
.
طبخه إيطالية .. سهله جداً .
شفتها باليوتيوب وطبقتها مع تغييرات بسيطة جداً عشان ماتطلع طبخة ثانيه !
طعمها زين .. مافيها ذيك النكهه القوية اللي سببها البهارات .
عن نفسي آكلها مع رز , بس اخوي حبها مع خبز والناس أذواق :p
أحسن مافيها ماتحتاج حمسة وبصل :p
| الطريقة والمقادير مع بعض | :
صدر دجاج نقطعه بالنص عشان تصير عندنا شريحتين رقيقتين .
ممكن تدقونه بعدين عشان يرق أكثر بس عن نفسي ماسويت كذا .
عصرت عليه نص ليمونه وخليته يتتبل يوم كامل .
بعدين ناخذ الدجاج ونبهره بفلفل أسود وبابريكا وملح .
ونغمسه بطحين - الطحين بعد نذر عليه شوي فلفل أسود وبابريكا -
وبعدها نغسمه ببيض - البيض نفس الشي نذر عليه شوي فلفل أسود -
وبعدها نحطه على طول بالمقلى نكون حاطينه على نار متوسطه من أول وفيه زيت شوي .
نخلي الدجاج 5 - 6 دقايق وبعدين نقلبه للجهة الثانيه .
بعد ما يستوي ويتحمر شوي نشيله ونحطه بصحن ,
الحين بنفس المقلى نضيف كاس ماي مذوبين فيه نص مكعب ماجي ,
ونضيف عليه ربع اصبع زبدة وشوي بقدونس مفروم وشوي فلفل أسود وممكن ملح بس أنا استغنيت عنه عشان الماجي مالح .
ونحركه لما تذوب الزبده ويبدا يثقل شوي بس .
في هالمرحله نضيف الدجاج عليه ,
ونقلبه شوي ونخليه لما يبدا الصوص يثقل مره مثل هنا شوفوا الفرق - أضفت شريحة ليمون تعطيه نكهه خفيفه -
وبعدها نقدمه .
* ملاحظه :
طبعاً بما إن قليناه ع الطبقه اللي فيها بيض , فتوقعوا يكون فيه نكهه خفيفه .
ماشاء الله عليك طبخاتك تجنن والاحلى انك صادقه في وصفك للطبخه عندك مصداقيه في المعلومه فديتك
ردحذفوبالنسبه لهذه الوصفه في وصفه تشبهلها اسمها تشيكن بيكاتا جربيها نفس الطريقه بس تضيفين مع مرقة الدجاج خل وليمون تطلع تحفه والدجاج مانغمسه ببيض بس بطحين ياليت تجربيها وتحطيها بمدونتك عشان الكل يستمتع فيها وراح تطلع غير عندك
ماشاء الله عليك طبخاتك تجنن والاحلى انك صادقه في وصفك للطبخه عندك مصداقيه في المعلومه فديتك
ردحذفوبالنسبه لهذه الوصفه في وصفه تشبهلها اسمها تشيكن بيكاتا جربيها نفس الطريقه بس تضيفين مع مرقة الدجاج خل وليمون تطلع تحفه والدجاج مانغمسه ببيض بس بطحين ياليت تجربيها وتحطيها بمدونتك عشان الكل يستمتع فيها وراح تطلع غير عندك