| مطبّق |

.

.

 

 

 

 

 

 

كل واحد له طريقته في ناس تحطه ع الصاج وتسويه حبه  حبه ,
احنا نسويه قطعه كبيرة وندخلها الفرن وبعدين نقطعها ..

| الطريقة والمقادير مع بعض | :

 

- للحشوة

نحط اللحم المفروم ع النار لما يطلع مويته ثم تنشف ,
بعدين نحط عليه بصل مقطع مكعبات صغيره
ونحط عليه فلفل اسود وملح وشوي بهارات وشوي كزبره مفرومه .

ونقلب لما نحس ان البصل ذبل وكل شي استوى , ونخليه على جنب .

 

نجيب بيضتين ونخفقهم مع شوي ملح وفلفل اسود .
ونجيب كراث مقطع لشرايح صغيره ,

ونحطه على البيض ونحط معهم اللحم ونقلبهم مع بعض .
طبعا نحط اللحم والكراث بكميه مناسبه مع البيض بحيث انه مايصير عندنا البيض كثير ويصير الخليط سايل ويحوسنا .


الحين نجيب ورق المطبق ,
ونحط اللحم فيه بالنص مثل كذا ..



لا حظو ان البيض ما يبين .

ونقفل الاطراف اللي ع اليمين واليسار بـ ( ماي وطحين )

وبعدين نقفل الأطراف اللي فوق وتحت ..

وندهنه بشوي زيت ..

وندخله الفرن لما يتحمر ,

ونطلعه ونقطعه ونقدمه ..

 

 

 

 

 

.
.

 

| أقراص الدجاج |

.

.

سهلة ولذيذة ممكن تقدمينها مع باستا أو رز أو خضار أو تحشين فيها السندوتشات ..

أحب الشغلات اللي لما تسوينها ممكن تسوين منها عدة أطباق بوقت واحد .

.

.

| المقادير |

- نص كيلو دجاج مفروم

- بصله كبيرة مفرومه

- بقدونس مفروم * كميته تقريباً بحجم قبضة اليد أو أقل شوي *

- فصين ثوم متوسطين الحجم مفرومين

- بيضة مخفوقة مع نقطة خل

- 3 ملاعق كبيرة - معيارية - بقسماط

- فلفل اسود

- بهارات مشكلة

- ملح

| الطريقة | :

نخلط المقادير مع بعض ونشكلها على هيئة أقراص دائرية متوسطة الحجم .

بعدين نشويها إما بالفرن أو بالشواية ..

ندهن صينية الفرن أو الشواية بشوي زيت ونحط الأقراص عليها ونخليها ربع ساعة تقريباً لكل جهة .

وبعد كذا نقدمها .

.
.

 

| Crispy Chicken Strips |

.
.

الوصفة أخذتها من عبير السعيد - بالانستغرام - ,

وحبيت أشارككم إياها .

| المقادير و الطريقة مع بعض | :

صدور دجاج مقطعه لشرايح طويلة متبلة بـ :

- بتر ميلك ( كوب حليب + ملعقة خل ) استبدلته بكاس لبن .

- فلفل أسود

- ملح

- بابريكا

- ثوم بودرة

- بهارات دجاج

- أعشاب مجففة , أنا حطيت نعناع وبقدونس مجففين .

نتركها بالثلاجة أقل شي 4 ساعات , عن نفسي خليتها ليلة كاملة

قبل القلي نجهز خلطة الطحين اللي بنغمس الدجاج فيها  وهي عبارة عن :

طحين نخلطة مع ملح وفلفل أسود وشوي بهار و3 إلى 4 ملاعق حليب سائل عشان يكون الخليط على هيئة فتات .

نغمس قطع الدجاج فيه

ونقليها بالزيت على طول ونصفيها بعدين ونقدمها .

* بعض القطع غمستها بطحين عادي قبل بعدين غمستها بالخليط ..

* الوصفة لذيذة والمرة الجاية إذا بسويها بزيد البهارات وبحط شوي ليمون مع التتبيلة طبعاً في ناس ماتحبها كذا بس الناس أذواق

 

| اندومي بالخضار |

.
.

 

 

 

 

 

سهله وتفك أزمة زي ما يقولون :p

 

 

| الطريقة والمقادير مع بعض | :

 

 

نقطع : [ جزر | كوسا | خيار - لحد يستغرب - | فلفل بارد | ملفوف ] لشرايح طويلة ,

 

 

 

 

نحمس الخضار مع البصل الأبيض - مقطع شرايح طويلة -  مع شوي زيت .

 

ومانخليها تذبل .

 

نسلق الأندومي دقايق بس تستوي نص استواء ونصفيها ونضيفها ع الخضار .

 

نقلبها ونضيف صوص عبارة عن :

 

[ معجون طماط | صوص صويا | كاتشب | بهارات الأندومي ]

 

الكميات مثل ماتحبون مرات .

 

ونقلبها دقايق ونقدمها .

 

 

 

.

.

 

 

 

| إلبــه |

.

.

من الحلويات القديمة , التراثية - صح علي كذا :p - ؟

لذيذة مثل الكريم كراميل بالفرن والزعفران والهيل يعطيها طعم مميز وحلو ,

والأهم من كل هذا سهله ..

هي لها طريقتين مافيها إختلاف كبير جداً , بحاول أحط الطريقة الثانية إن شاء الله إن قدرت .

| المقادير | :

- 5 بيضات متوسطات

- ثلث كاس ماي ورد

- كاسين ونص ماي

- علبه كبيرة حليب نستله

- نص ملعقة صغيرة - معيارية - هيل مطحون

- ملعقة صغيرة فانيلا

- زعفران

| الطريقة | :

نخفق المقادير مع بعض ونصبهم في قوالب ونضعهم في حمام مائي ,

وندخلهم في فرن مشغل مسبقاً على درجة حرارة 360 لمدة 30 دقيقة تقريباً ان كانت بقوالب صغيرة

أما إذا كانت في قالب كبير ممكن تاخذ 40 دقيقة .

ونطلعها ونخليها تبرد برا

وبعدين ندخلها الثلاجة لمدة ساعتين ع الأقل ونزينها ونقدمها .

.

* الورد شريته من المطاحن الدولية بالكويت .

.
.

 

| Carrot cake .. كيكة الجزر |

.

.

سهلة وخفيفة ولذيييذة ,

أخذت طريقتها من أخت صديقتي مريومه الصغيرة :p

.

.

| المقادير | :

- 3 بيضات - على درجة حرارة الغرفة -

- كاس جزر مبشور

- نص كاس زيت

- كاس سكر

- كاس ونص طحين

- ملعقة كبيرة باكينج باودر

- شوي قرفة - حسب الرغبة -

- شوي فانيلا

.

.

| الطريقة | :

- نخفق البيض والسكر والفانيلا على سرعة متوسطة لما يصير لونها فاتح بعدها نضيف الزيت .

- بعد كذا ننخل الطحين والباكينج باودر والقرفة .

- نضع المكونات الجافة والجزر على السائلة ونحركهم لما يتجانسوا 

- بعد كذا نصب الخليط في صينية الكيك المدهونة بزيت وندخلها الفرن على درجة حرارة 350 فهرنهايت

للـ " كريمه " ,

نحتاج لـ :

- 12 حبة جبن كيري

- كاس سكر * أنا حطيت كاس إلا ربع :$ *

- 3 ملاعق كبيرة حليب سائل 

نخفق مقادير الكريمه مع بعض حتى تصبح متماسكة ونخليها بالثلاجة لما تستوي الكيكة وتبرد ونزينها .

بعد ما تستوي الكيكة نطلعها ونخليها تبرد 10 دقايق بعدين نقلبها ونخليها تبرد بشكل كامل .

بعد ما تبرد نبدأ نزينها بالشكل اللي نبي .

أنا زينتها بالكريمه بعدين ع الأطراف حطيت جوز هند + عين جمل مفروم فرم خشن .

ومن فوق سويت عين جمل أو جوز مكرمل - كذا ترجمتها بالعربي الفصحى وش أسوي ههههه -

- طريقته هي :

نحط سكر في قدر ع نار متوسطة لما يبدا يذوب ويتحول لكراميل مثل كذا 

طبعاً كل ما طولتي بالوقت كلما صار اللون أغمق والطعم أقل حلاوة .

بعدين نحط عليه حبات الجوز ونقلبها لما تتغطى فيه 

بعدين نشيلها ونحطها على ورق زبده بس تبرد شوي ونزين فيها الكيك .

وهذا شكل الكيكة النهائي 

.

.

| Brownies with strawberry coulis |

.

.

| Brownies with strawberry coulis |

براونيز بـ كولي الفراولة - صوص الفراولة -

 

 

 

 

 

 

 

 

 

 

 

 

 

 

 

طريقة جديدة للبروانيز , طعمها رهيييب وأخف من اللي سبق ونزلت طريقتها .

اللي سبق ونلزت طريقتها ( هنـا ) كانت تتشرب بالشوكلت جاناش

بس بهالطريقة بنشربها بكولي الفراولة ..

أخف , وتغيير عن الطعم المعتاد والفراولة خيار ممتاز مع الشوكولاتة .

.

.

| المقادير | :

 

-  200 جم شوكولاته والافضل طبعاً تكون نسبة الكاكاو الموجودة فيه 60 - 70 %

- اصبع وثلث تقريباً زبده ونقطعها لمكعبات صغيره .

- كاس وربع سكر ( ممكن كاس لو ماتحبينها حاليه مره )

- كاس طحين

- 3 بيضات

- رشة ملح

- رشة فانيلا 

* وما ننسى بالنسبة للشوكولاته ,

كل ما كان النوع ممتاز كل ماحصلنا على براونيز أفضل .

ولو قدرتي تحصلين شوكولاته فيها 40 جم عشان تصير مثل المقدار بالضبط أفضل وأفضل .

 

.

.

| الطريقه | :

نجيب الصينية اللي راح ندخلها الفرن ونفرشها بقصدير  ونخليه مرتفع شوي عن الأطراف عشان يسهل علينا نشيل البراونيز بعدين

ونقطعها .

وندهن القصدير بزبده - من داخل طبعا - غير الزبده اللي بالمقادير .

* بالإمكان استبدال القصدير بورق الزبدة مثل ما اقترح علي البعض .

الحين نروح نذوب الزبدة مع الشوكولاته في حمام مائي ونحرك بشكل مستمر ونحاول مانطول عشان لا تحترق الشوكولاته

 

والأفضل طبعاً نكون مقطعين الزبدة مع الشوكولاتة لقطع صغيرة عشان تذوب بشكل أسرع ,

 

بعد ماتذوب ويتجانس الخليط نخليه يبرد شوي .

الحين نحرك السكر و البيض و الفانيلا مع بعض

بعدين نضيف عليهم الشكولاته والزبده اللي ذوبناهم ونحرك.

بعدها نضيف الطحين  على 3 مراحل 

نضيف كمية شوي ونحرك ونضيف شوي ونحرك وكذا

ونحرك شوي بس لما يتجانس مانبي نحرك كثير عشان مانبي ندخل فيها كمية هواء كبيره

بعدين نصبهم في الصينية

 

 

ونساوي السطح

ونحطها في الفرن - مشغل مسبقاً على 350 درجه

 

لمدة 25 - 30 دقيقه

الأفضل نشيك عليها بعد 25 دقيقة

 

وندخل عود ولازم يطلع شوي رطب ,

لو طلع جاف معناها مستويه أكثر من اللزوم .

 

 

* على ما تستوي نسوي كولي الفراولة ,

 

ع النار نحط :

 

- مقدار كاس فراولة مقطعة

 

- نص كاس سكر

 

- ملعقة صغيرة عسر ليمون

 

ونخليها على النار .. بتبدى الفراولة تطلع الماي اللي داخلها

 

نخليها 10 دقايق على نار متوسطة وبعدين نخلطها بالخلاط .

 

وبعدين نصفيها لين يتكون عندنا هالصوص :

 

 

 

 

ونخليها على جنب

 

لما تستوي البراونيز نطلعها ونصب عليها ربع كاس من كولي الراولة

نخليها تبرد على درجة حرارة الغرفه .

 

بعدين الأفضل نخليها يوم كامل بالثلاجة وقبل التقديم بنص ساعه أو ساعة نطلعها .

 

الطعم يفرق كثير ..

 

* طبعاً هي قاسية نوعاُ ما فاللي ماقد جربها لا يستغرب هالشي .

ونزينها بطبقة رقييييقة جداً من الشوكلت جاناش لو حابين .

 

ونقدمها :

 

 

 

 

 

 

 

 

* يوم صورتها كانت قبل لا أدخلها الثلاجة .

 

 

.
.

 

| Mini Delights |

.

.

 

 

 

 

 

 

 

 

 

 

 

تستحق هذه التسمية صراحه هههههههه .

لذيذة وسهلة , لما تذوقها وتعجبك بتنبسط أكيد :p

 

الطريقة حافظتها عندي من سنين وأسويها من زمان , كنت ماخذتها من  أموري - عضوة بالإقلاع -  وغيرت شغلات بسيطة فيها .

 

بحط لكم الطريقة بعد تغييراتي أكيد =)

 

.
.

 

 

| المقادير | :

 

- اصبع زبده بدرجة حرارة الغرفة .

- نص كوب سكر ( لو تحبونه حالي حطوا 3/2 كاس )

- بيضه

- شوي فانيلا

- كاس طحين

- ثلث كاس كاكاو بودرة

- شوي ملعقة ملح

 

- ملعقتين كبار حليب سائل

- نص كاس لوز مفروم فرم خشن شوي

| الطريقة | :

أول شي نخلط الزبده و السكر و البيض و الفانيلا لما يصير خليط كريمي .

 

بعدين نضيف له الكاكاو ونقلب لما نحسه انخلط , بعدها نضيف الطحين والملح

شوي شوي ونقلب لما يتجانس ,

 

الخليط بيكون ثقيل شوي فنضيف الحليب ونحركه شوي بس لما يتجانس

الحين نحط الخليط في الثلاجه لمدة تتراوح من نص ساعة لساعة ,

 

بعدين نطلعه ونكوره لكورة صغيرة ونغمسها في اللوز .

 

الحين نصفهم في الصينية ونضغط ع الكور ونضغط زيادة في النص , بتصير مثل كذا :

 

 

 

وندخلها الفرن مشغل مسبقاً على درجة حرارة 350 ونخبزها من 10 الى 12 دقيقه تقريباً

لما تستوي نطلعها من الفرن  ونخليها تبرد شوي ونزينها بشوكلت جاناش ( سبق وحطيت طريقته )

أو كريمة بيتي كروكر بالشوكولاته لو تحبونها .

 

وفوقها حبة لوز .

 

 

 

 

 

 

 

 

 

 

 

 

.
.

 

 

 

 

| Strawberry trifle |

 

.
.

 

 

 

 

 

 

 

 

 

 

 

 

 

 

سبق وتكلمت على الترايفل ( هنـا ) , لكن هالمرة سويته مع وجود طبقة الكريمة .

+ استبدلت التوت بالفراولة وضاعفت كمية الباستري كريم اللي بعد سبوق وتكلمت عنه ( هنـا ) ,

 

فحبيت أوريكم كيف يكون شكله وبعيد الطريقة بس مرة ثانية  .

 

طبعاً هو ممكن يتقدم بكاسات صغيرة وقوالب صغيرة أو قالب كبير والكل يغرف منه

أنا سويت الإثنين هالمره .

 

| المقادير والطريقة مع بعض | :

 

أول شي نحط قطع كيك كطبقة أولى ,

 

 

بعدين نحط صوص فروالة - بما إني استخدمت فراولة -

سبق وتكلمت عن هالصوص في التشيز كيك وغيره من الحلويات .

 

وممكن إستبداله بـ مربى 

 

 

وبعدين نحط قطع الفراولة

بعدها نحط الباستري كريم .

بعدين نحط طببقة كريمه مخفوقة
 

وبعدين نعيد تكرار الطبقات .

 

ونحطه بالثلاجه لما يبرد ونقدمه ..

 

 

 

 

 

 

 

 

 

.
.