.
.
.
| ميني رولز الجبن والهلابينو |
للي يحبون الأكل الحار :p
| الطريقة والمقادير مع بعض | :
مايبيلها غير عجينة سبرنق رول نقطعها لـ 4 مربعات - عشان يصير حجمها صغير -
لو كنتوا تبونها كبار لا تقطعونها لـ 4 مربعات , وبيني وبينكم كذا أريح :p
الحشوة عبارة عن :
- شرايح هلابينو مقطع لقطع صغيره
- جبن تشدر مبشور
( مثل المستخدمة بسمبوسة البيتزا )
- جبن موزاريلا مبشور
نقلبهم على بعض ونحاول واحنا نقلب نقتت الجبن أكثر شوي عشان يمدينا نحشي فيه الميني رولز
أما إذا كنتوا بتسوونها بحجم كبير ماله داعي تفتتونها .
بعدين نجيب عجينة السبرنق رول ونحط الحشوه على الطرف ونلف البدايه .. ونحط بالباقي الخليط اللي نسكر فيه السبرنق رول بالعادة وهو عبارة عن ( طحين وماي .. نخلطهم مع بعض بحيث يعطينا خليط ثقيل )
مثل هالصوره
بعدين نسكر الأطراف مثل هالصورة ونحط بالأطراف اللي بنسكر فيها بعد خليط الطحين والماي .
سوينا هالخطوتين عشان نضمن إنها ماتنفتح علينا وتحوسنا ,
ونحفظها بالفريز عشان يجمد الجبن ونقدر نقليه بدون مايذوب على طول ويطلع من الأطراف .
وبعدين نقليه ونقدمه مع صوص - نفسه اللي استخدمته بسمبوسة البيتزا -
* ملاحظة :
- حاولو ماتكثرون الحشوه بشكل كبير لو بتسوون الميني رولز عشان لا تنشق العجينه عليكم من الاطراف وانتوا تلفون .
.
.
.
يعطيك العافيه حبيبتي بجربها بتوست
ردحذفربي يسسسسسسسسسسسسسسسلم يدك
ردحذف